AB News – မေ ၉၊ ၂၀၂၆
ရက္ခိုင်-ဘင်္ဂလားဒေ့ရှ်နယ်စပ် နတ်မြစ်အတွင်း တရားမဝင် ခိုဝင်ငါးဖမ်းသည့် ဘင်္ဂလားဒေ့ရှ်နိုင်ငံသား ၁၄ ဦးကို မေလ ၃ ရက်နေ့က အာရက္ခတပ်တော်(AA)မှ ဘင်္ဂလားဒေ့ရှ်အာဏာပိုင်များထံ လွှဲပြောင်းအပ်နှံခဲ့ကြောင်း သိရသည်။
၁၄ ဦးထဲတွင် ၁၀ ဦးသည် ဘင်္ဂလားဒေ့ရှ်နယ်မြေတွင် ငါးဖမ်းနေစဉ် အာရက္ခပြည်သို့ ဝင်ရောက်လာသောသူများဖြစ်ပြီး ကျန် ၄ ဦးသည် ကုန်ပစ္စည်းသယ်ယူပို့ဆောင်စဉ် စစ်ကော်မရှင်တပ်ထံ ဖမ်းဆီးခံရပြီးနောက် လွတ်မြောက်လာသူများဖြစ်ကြသည်။
အဆိုပါ ၁၄ ဦးကို နတ်မြစ်အတွင်း နှစ်နိုင်ငံနယ်စပ်၌ အာရက္ခတပ်တော်မှ ဘင်္ဂလားဒေ့ရှ်နယ်ခြားစောင့်တပ်(BGB) ထံ လွှဲပြောင်းအပ်နှံခဲ့ကြောင်း သတင်းအရ သိရသည်။
ယင်းဖြစ်ရပ်သည် နယ်စပ်လုံခြုံရေးနှင့် နိုင်ငံနှစ်ခုအကြား ပူးပေါင်းဆောင်ရွက်မှုအရေးပါမှုကို ထပ်မံသရုပ်ဖေါ်သကဲ့သို့ အာရက္ခတပ်တော်နှင့် BGB အကြား ညှိနှိုင်းမှုကိုလည်း ပြသနေသည်။