AB News – ဇူလိုင် ၁၊ ၂၀၂၆
ရက္ခိုင်ပြည်ရှိ လွတ်မြောက်နယ်မြေများတွင် ဗုဒ္ဓဓမ္မပရိယတ္တိဆိုင်ရာ စာမေးပွဲကို ပထမဆုံးအကြိမ်ဖြစ် အောင်အောင်မြင်မြင် ကျင်းပနိုင်ခဲ့ကြောင်း သိရသည်။
အဆိုပါ စာမေးပွဲကို မြောက်ဦး၊ မင်းပြား၊ ကျောက်ဖြူနှင့် တောင်ကုတ်စသည့် ခရိုင် ၄ ခုတွင် စာစစ်ဌာန ၄ ခု သတ်မှတ်ပြီး ဇွန်လ ၂၄ ရက်နေ့မှ ဇွန်လ ၂၉ ရက်နေအထိ (၆ ရက်တိုင်တိုင်) ကျင်းပပြုလုပ်ခဲ့ခြင်းဖြစ်သည်။
ဗုဒ္ဓဓမ္မပရိယတ္တိဆိုင်ရာ စာမေးပွဲကို ရပ်နားထားခဲ့ရသည်မှာ ၆ နှစ်တိုင်တိုင်ကြာမြင့်ခဲ့ပြီးဖြစ်ပြီး ယခုအခါတွင် ရက္ခိုင်ပြည်ရှိ လွတ်မြောက်နယ်မြေများတွင် မူ၊ ငယ်၊ လတ်၊ ကြီးနှင့် စမ္မစရိယတန်းစာမေးပွဲများကို အာရက္ခပြည့်သူ့တော်လှန်ရေးအစိုးရနှင့် သာသနာရေးဆိုင်ရာပုဂ္ဂိုင်များက ပူးပေါင်းကျင်းပခဲ့ခြင်းဖြစ်ကြောင်းသိရသည်။
မြောက်ဦးခရိုင်အတွင်း ဖြေဆိုရန် စာရင်းသွင်းထားသည့် သင်္ဃာ ၈၉ ပါးထိရှိခဲ့သော်လည်း သင်္ဃာ ၆၁ ပါးသာ ဖြေဆိုရန်ရောက်ရှိခဲ့ပြီး သင်္ဃာ ၂၈ ပါး ပျက်ကွက်ခဲ့ကြောင်း သိရသည်။