AB News – မတ် ၂၆၊ ၂၀၂၆
ဘူးသီးတောင်မြို့နယ်တွင် အီဒုလ်ဖွိသိရ်နေ့ အထိမ်းအမှတ်အဖြစ် မူဆလင်ပြည်သူများကို ULA/AA က မတ်လ ၁၈ ရက်နေ့တွင် စားနပ်ရိက္ခာများ ထောက်ပံ့ခဲ့ကြောင်း ဒေသခံမူဆလင်ပြည်သူများက ဆိုကြသည်။
ဘူးသီးတောင်မြို့နယ်၊ တန်းလျှောက်ခံရွာကို စုရပ်ထားကာ စားနပ်ရိက္ခာများ ထောက်ပံ့ခဲ့ခြင်းဖြစ်ကြောင်း သိရသည်။
မူဆလင်ပြည်သူများအား ဆန်၊ ဆီ၊ ဆားအပါအဝင် ငါးသေတ္တာများနှင့် အခြားအသုံးဆောင်ပစ္စည်းများ ထောက်ပံ့ခဲ့ပြီး အီဒုလ်ဖွိသိရ်နေ့ အထိမ်းအမှတ်အဖြစ် အလှူပေးပွဲ ULA/AA မှ တာဝန်ရှိသူများ၊ အုပ်ချုပ်ရေးအဖွဲ့ဝင်များ တက်ရောက်ပေးအပ်ခဲ့ကြောင်း တန်းလျှောက်ခံရွာသားများက ဆိုကြသည်။
“အခုလိုမျိုး ထောက်ပံ့ပေးတဲ့အတွက် ULA/AA ကို ကျေးဇူးတင်ပါတယ်။ ဆက်ပြီးတော့လည်း ကျနော်တို့ကို ကူညီပေးစေချင်ပါတယ်။
အာရက္ခတပ်တော် ထိန်းချုပ်ထားသည့် ရက္ခိုင်မှ မြို့နယ်အသီးသီးတွင် အီဒုလ်ဖွိသိရ်နေ့ အခမ်းအနားများကို စည်ကားသိုက်မြိုက်စွာ ကျင်းပခဲ့ကြပြီး အာရက္ခပြည်သူ့တော်လှန်ရေးအစိုးမှ တာဝန်ရှိသူများ တက်ရောက်ချီမြှင့်ခဲ့ကြောင်း သိရှိရသည်။