‎AB News – မတ် ၁၄၊ ၂၀၂၆
‎
‎မိုးညှင်းမြို့နယ်၊ အင်းတော်ကြီးဒေသရှိ အကြမ်းဖက် စစ်တပ်၏ လုံးတုံစခန်းကို KIAနှင့် ပူးပေါင်းတပ်က မတ်လ ၁၃ ရက်နေ့ ညပိုင်းတွင် ထိုးစစ်ဆင် တိုက်ခိုက်ရာ ကာကင်းတချို့ သိမ်းပိုက်ရရှိပြီး စစ်ကော်မရှင်ရုပ်အလောင်း ၆ လောင်း အပါအဝင် စစ်သုံ့ပန်းတချို့နှင့် လက်နက် ၁၃ လက် သိမ်းဆည်းရရှိခဲ့ကြောင်း သိရသည်။
‎
‎အကြမ်းဖက် စစ်တပ်နှင့် ရှမ်းနီ ပြည်သူ့စစ် တပ်ဖွဲ့(SNA)တို့ ပူးပေါင်း တပ်စွဲထားသော လုံးတုံစခန်းကို KIA/KPDF ပူးပေါင်းတပ်က ထိုးစစ်ဆင် တိုက်ခိုက်ခဲ့ခြင်းဖြစ်ကြောင်းနှင့် ထိုတိုက်ခိုက်မှုအတွင်း အကြမ်းဖက် စစ်တပ်၏ ကာကင်းစခန်းတချို့ကို သိမ်းပိုက်ရရှိခဲ့ကြောင်း သိရသည်။
‎
‎ယင်းတိုက်ပွဲအတွင်း အကြမ်းဖက် စစ်တပ်မှ စစ်သားများက ရှေ့ဆုံးမှ ထွက်ပြေးသွားသောကြောင့် SNA အဖွဲ့က ထိခိုက်သေဆုံးမှုများပြားခဲ့ခြင်းဖြစ်ကြောင်း သိရှိရသည်။
‎
‎အင်းတော်ကြီးဒေသတွင် စစ်တပ်က တိုက်ပွဲများအတွင်း SNA အဖွဲ့ဝင်များကို ရှေ့ဆုံးမှ ထား၍ တိုက်ခိုက်နေခြင်းကြောင့် SNA ဘက်မှ ထိခိုက်သေဆုံးမှုများပြားနေ၍ စစ်တပ်၏ အသုံးချခံမဖြစ်စေရေး တော်လှန်ရေးတွင် ပူးပေါင်းပါဝင်ကြရန် KIA/KPDF တော်လှန်ရေးအင်အားစုက ဖိတ်ခေါ်ထားကြောင်း သိရသည်။
‎
‎အင်းတော်ကြီးဒေသရှိ စစ်တပ်နှင့် SNA (ရှမ်းနီအမျိုးသားတပ်) အဖွဲ့တို့ ပူးပေါင်းတပ်စွဲထားသော လုံးတုံစခန်းသည် အခိုင်မာဆုံး စခန်းတစ်ခုဖြစ်ပြီး ဖားကန့်မြို့၊ ဟိုပင်မြို့နှင့် မိုးညှင်းမြို့တို့ကို ဆက်သွယ်ထားသော အရေးပါသည့် တပ်စခန်းတစ်ခုဖြစ်ကြောင်းသိရသည်။