AB News – ဇွန် ၆၊ ၂၀၂၆
ဘင်္ဂလားဒေ့ရှ်နိုင်ငံ၊ အုခီးယားမြို့နယ်အတွင်းရှိ မူဆလင်ဒုက္ခသည်စခန်းမှ မူဆလင် အမျိုးသား ၂ ဦးကို ဇွန်လ ၅ ရက်နေ့က မူးယစ်ဆေးဝါးများနှင့်အတူ ဖမ်းဆီးရမိကြောင်း သိရသည်။
ဖမ်းဆီးခံရသူ ၂ ဦးမှာ ဘိုတာလာ FDMN ဒုက္ခသည်စခန်း (Block-21၊ B-3) တွင် နေထိုင်သည့် အာမီယာဟူစိန်၏ သားဖြစ်သူ ကီဖာယက်အူလာ (၃၀)နှစ် နှင့် မာလ်ဗီ ရက်ဖီယာ၏ သား ဟိုဘာယက် (၁၈) နှစ် တို့ ဖြစ်ကြောင်း သိရသည်။
၎င်းတို့ ၂ ဦးသည် နယ်နိမိတ်မှတ်တိုင် BRM-18 အနီးရှိ BGB တပ်စခန်းအနီးသို့ ရောက်ရှိစဉ် တာဝန်ရှိသူများအား မြင်၍ ထွက်ပြေးရန် ကြိုးပမ်းခဲ့ကြရာမှ နယ်ခြားစောင့်တပ်ဖွဲ့၏ ဝိုင်းဝန်းဖမ်းဆီးခြင်းကို ခံခဲ့ရခြင်း ဖြစ်သည်။
၎င်းတို့အား အသေးစိတ် ရှာဖွေစစ်ဆေးခဲ့ရာ လေလုံစေရန် ထုပ်ပိုးထားသည့် အပြာရောင်အထုပ်ကြီး ၂ ထုပ်ကို တွေ့ရှိခဲ့ပြီး အဆိုပါအထုပ်များအတွင်းမှ ယာဘ (Yaba) မူးယစ်ဆေးပြား အရေအတွက် ၆၀,၀၀၀ ခန့်ကို သိမ်းဆည်းရမိခဲ့ခြင်းဖြစ်သည်။
လက်ရှိတွင် ဖမ်းဆီးရမိသည့် ယာဘဆေးပြားများနှင့်အတူ ပြစ်မှုကျူးလွန်သူ ၂ ဦးအား အရေးယူဆောင်ရွက်နိုင်ရန်အတွက် တက္ကနက်ဖ် (Teknaf) ရဲစခန်းသို့ စနစ်တကျ လွှဲပြောင်းအပ်နှံပေးထားကြောင်း သိရသည်။
ဓာတ်ပုံ – Teknaf Today