AB News – သြဂုတ် ၁၃၊ ၂၀၂၆
ရက္ခိုင်ပြည်၊ ဂွမြို့နယ်၊ ကိုင်းခုံကျေးရွာကို ယမန်နေ့ သြဂုတ်လ (၁၂) ရက်နေ့ ညနေပိုင်းအချိန်တွင် စစ်ကော်မရှင်မှ လေကြောင်းတိုက်ခိုက်ခဲ့မှုကြောင့် ပြည်သူနေအိမ် (၇) လုံးပျက်စီး ခဲသည်ဟု အာရက္ခတပ်တော် AA ၏ ထုတ်ပြန်ချက်အရသိရသည်။
ယမန်နေ့ သြဂုတ်လ (၁၂) ရက်နေ့၊ ညနေ (၉) နာရီ အချိန်ခန့်တွင် စစ်ကော်မရှင်တပ်မှ ကိုင်းခုံကျေးရွာသို့ ဂျက်တိုက်လေယာဥ် (၁) စီးဖြင့် ဗုံး (၄) လုံး ကြဲချတိုက်ခိုက် ခဲ့ခြင်းဖြစ်သည်။
အဆိုပါ လေကြောင်းတိုက်ခိုက်မှုကြောင့် အရပ်သားပြည်သူများမှာ ထိခိုက်ဒဏ်ရာရှိမှု မရှိသော်လည်း ပြည်သူပိုင်နေအိမ် (၇) လုံးပျက်စီးဆုံးရှုံးသွားခဲ့ရကြောင်း AA ကဆိုသည်။
အလားတူ သြဂုတ် (၁၂) ရက်နေ့တွင်လည်း အာရက္ခတပ်တော်ထိန်းချုပ်နေမြေဖြစ်သည့် ပလက်ဝမြို့နယ်၊ ဆမီမြို့ ၊ အမှတ် (၂) ရပ်ကွက်ကို ညဥ့် (၁၁) နာရီကျော် အချိန်ခန့်တွင် (၄) ကြိမ်တိုင်တိုင် လေကြောင်းတိုက်ခိုက်ခဲ့သည်။
ထိုသို့လေကြောင်း တိုက်ခိုင်မှုအတွင်း အသက် (၁၆) နှစ်အရွယ် အမျိုးသမီးငယ်တစ်ဦး သေဆုံးပြီး (၈) ဦးဒဏ်ရာရရှိခဲ့သည်။