AB News – ဩဂုတ် ၂၄၊ ၂၀၂၆
ရက္ခိုင်ပြည်၊ ပုဏ္ဏားကျွန်းမြို့နယ်တွင် လိင်ပိုင်းဆိုင်ရာကျူးလွန်ခံရပြီး သတ်ဖြတ်ခံခဲ့ရသည့် အမျိုးသမီးငယ်၏ မိခင်ဖြစ်သူအား ULA/AA က သွားရောက်တွေ့ဆုံကာ ဝမ်းနည်းပူဆွေးမှုနှင့် စိတ်ပိုင်းဆိုင်ရာ ထိခိုက်ခံစားနေရမှုများကို အားပေးကူညီသည့် စိတ်လူမှုအထောက်အပံ့ (Mental Health and Psychosocial Support) ပေးခဲ့ကြောင်း သိရသည်။
ULA/AA သည် ပြီးခဲ့သည့် ဩဂုတ်လ ၂၁ ရက်နေ့က ပုဏ္ဏားကျွန်းမြို့နယ်၊ အောင်ဆိပ်ကျေးရွာသို့ သွားရောက်ကာ သမီးဖြစ်သူကို ဆုံးရှုံးထားရသည့် မိခင်နှင့် တွေ့ဆုံခဲ့ခြင်းဖြစ်သည်။
သွားရောက်တွေ့ဆုံစဉ် ULA/AA က သမီးဖြစ်သူ ဆုံးရှုံးမှုကြောင့် ဝမ်းနည်းပူဆွေးနေသည့် မိခင်၏ ခံစားချက်များကို နားထောင်ပေးခြင်း၊ နှစ်သိမ့်အားပေးခြင်းနှင့် စိတ်လူမှုရေးဆိုင်ရာ အထောက်အပံ့များ ပေးခဲ့သည်။
အမျိုးသမီးငယ်တစ်ဦး အသက်ဆုံးရှုံးခဲ့ရသည့် အဆိုပါဖြစ်စဉ်သည် ကျူးလွန်ခံရသူ၏ မိသားစုအပေါ် ရုပ်ပိုင်းဆိုင်ရာဆုံးရှုံးမှုအပြင် စိတ်ပိုင်းဆိုင်ရာ ထိခိုက်မှုများကိုပါ ဖြစ်ပေါ်စေခဲ့ခြင်းကြောင့် မိသားစုဝင်များ၏ လိုအပ်ချက်များကို ဆက်လက်အာရုံစိုက်ရန် လိုအပ်နေသည်။
MHPSS အထောက်အပံ့ပေးခြင်းသည် အဆိုပါဖြစ်စဉ်နှင့်ပတ်သက်၍ တရားဥပဒေအရ အရေးယူဆောင်ရွက်မှုများနှင့်အတူ ထိခိုက်ခံစားခဲ့ရသည့် မိသားစု၏ စိတ်ပိုင်းဆိုင်ရာနှင့် လူမှုရေးလိုအပ်ချက်များကို ဖြည့်ဆည်းပေးရန် ဆောင်ရွက်ခြင်းဖြစ်သည်။
ဖြစ်စဉ်များကြောင့် ထိခိုက်နစ်နာရသည့် ပြည်သူများနှင့် မိသားစုများအတွက် တရားမျှတမှုရရှိရေး၊ လုံခြုံရေးနှင့်အတူ စိတ်ပိုင်းဆိုင်ရာနှင့် လူမှုရေးဆိုင်ရာ အထောက်အပံ့များလည်း လိုအပ်သည်။
ယခုကဲ့သို့ ULA/AA က မိသားစုဝင်များထံ ကိုယ်တိုင်သွားရောက်တွေ့ဆုံကာ လိုအပ်ချက်များကို နားထောင်ပေးခြင်းသည် ဖြစ်စဉ်အပြီး ပြန်လည်ရပ်တည်နိုင်ရေးအတွက် အထောက်အပံ့တစ်ရပ် ဖြစ်လာနိုင်သည်။
အဆိုပါအမှုတွင် ကျူးလွန်သူများကို တရားစီရင်အရေးယူထားပြီး ဖြစ်သော်လည်း သေဆုံးသူ၏ မိသားစုအနေဖြင့် ဆုံးရှုံးမှုနှင့်အတူ ဆက်လက်နေထိုင်ရမည်ဖြစ်သဖြင့် ရေရှည်စိတ်ပိုင်းဆိုင်ရာ အထောက်အပံ့နှင့် လူမှုအသိုင်းအဝိုင်း၏ ကူညီရပ်တည်ပေးမှုများလည်း လိုအပ်မည်ဖြစ်သည်။
ULA/AA ၏ အဆိုပါလုပ်ဆောင်မှုသည် ဖြစ်စဉ်အပေါ် တရားဥပဒေအရ အရေးယူဆောင်ရွက်ခြင်းသာမက ဖြစ်စဉ်ကြောင့် ထိခိုက်နစ်နာခဲ့ရသည့် မိသားစု၏ လူမှုရေးနှင့် စိတ်ပိုင်းဆိုင်ရာ လိုအပ်ချက်များကိုပါ အလေးထားတုံ့ပြန်ပေးနေခြင်းဖြစ်သည်။
အထူးသဖြင့် ဆုံးရှုံးမှုကြီးမားသည့် မိသားစုများအတွက် လိုအပ်သည့်အချိန်တွင် အနီးကပ်တွေ့ဆုံနားထောင်ပေးခြင်းနှင့် အားပေးကူညီခြင်းများသည် ပြန်လည်ရပ်တည်နိုင်ရန် အရေးပါသည့် အထောက်အပံ့တစ်ရပ်ဖြစ်သည်။
ULA/AA အနေဖြင့်လည်း ပြည်သူများ ကြုံတွေ့နေရသည့် လုံခြုံရေးနှင့် တရားမျှတမှုဆိုင်ရာ ကိစ္စရပ်များအပြင် ဖြစ်စဉ်များကြောင့် ထိခိုက်ခံစားနေရသည့် မိသားစုများ၏ လူမှုရေးနှင့် စိတ်ပိုင်းဆိုင်ရာ လိုအပ်ချက်များအပေါ်ပါ တုံ့ပြန်ကူညီပေးရန် ဆောင်ရွက်လျက်ရှိကြောင်း သိရသည်။
အဆိုပါမုဒိမ်းမှုသည် ပြီးခဲ့သည့် ဇူလိုင်လ ၁၈ ရက်နေ့က ပုဏ္ဏားကျွန်းမြို့နယ်၊ ယိုးတရုတ်မြောင်မှ အပြန်လမ်းခုလတ်တွင် ဖြစ်ပွားခဲ့ခြင်းဖြစ်ပြီး ကျူးလွန်သူ ၁ ဦးကို သေဒဏ်နှင့် ကြံရာပါ ၂ ဦးကို ထောင်ဒဏ် အနှစ် ၂၀ စီဖြင့် ဩဂုတ်လ ၅ ရက်နေ့တွင် ULA/AA ၏ စစ်တွေခရိုင်တရားရုံးက ပြစ်ဒဏ်အမိန့် ချမှတ်ခဲ့ပြီးဖြစ်သည်။
Photo – AB News