ထိုင်းနိုင်ငံဘန်ကောက်မြို့ ရန်နဝါခရိုင်ရှိ တရားမဝင်နိုက်ကလပ်တစ်ခု၏ ပိုင်ရှင် ပိုင်သောဘတ်သန်း၁၅၀ခန့်တန်ဖိုးရှိ ပိုင်ဆိုင်မှုအများအပြားကို ထိုင်းရဲများသိမ်းဆည်းခဲ့သည်။
နိုဝင်ဘာလ ၅ ရက်နေ့တွင် တရုတ်နိုင်ငံသားပိုင် နိုက်ကလပ်ဖြစ်သည့်Jin Ling တွင်မူးယဇ်ဆေးဝါးပွဲကျင်းပနေစဉ် တရုတ်နိုင်ငံသားအများစုပါဝင်သော ဖောက်သည် ၁၀၄ ဦးကို ရဲများကဖမ်းဆီးခဲ့ကြောင်းသိရသည်။
နိုက်ကလပ်ကိုတရုတ်ပိုင်ရှင်တစ်ဦးမှ တရားမဝင်လုပ်ကိုင်သည်ဟု သံသယရှိသောကြောင့် ထိန်းသိမ်းရခြင်းဖြစ်ကြောင်း ရဲတပ်ဖွဲ့ကပြောသည်။
နောက်ထပ်စုံစမ်းစစ်ဆေးမှုတစ်ခုကိုလည်း ရှာဖွေမှုများ ပြုလုပ်ခဲ့သည်ဟုလည်းသိရသည်။ ထိုစုံစမ်းစစ်ဆေးမှုတွင်ဘန်ကောက်မြိုကန့်ဆန်ခရိုင် Soi Somdet Chao Phraya ၁၇ လွှာပေါ်ရှိဇီခံကွန်ဒိုမီနီယံတစ်ခုကိုလည်းရှာဖွေတွေ့ရှိခဲ့သည်။
Jin Ling နိုက်ကလပ်တွင်ရပ်ထားသည့်တရုတ်နိုင်ငံသားအသက်၂၁နှစ်အရွယ် Wang Zhen Nan၏ပိုင်ဆိုင်မှုကွန်ဒိုကိုစုံစမ်းစစ်ဆေးရေးအရာရှိများကခြေရာခံခဲ့သည်။
၎င်းကွန်ဒိုတွင်ဘတ် ၁၉သန်း တန်ဖိုးရှိသောငွေသားသေတ္တာတစ်လုံး၊ ဘတ်၂သိန်းတန်ဖိုးရှိသော တန်ဖိုးကြီးဝိုင်ပုလင်းများ၊ Rolls-R Cycleနှစ်စီး၊ Mercedes-Maybach၊Mercedes Benz AMG နှင့်အခြားအများအပြားကို ရဲတပ်ဖွဲ့ကသိမ်းဆည်းရမိခဲ့သည်။
မော်တော်ယာဉ်များကိုလည်း တရားဝင်မှတ်ပုံတင်ထားခြင်းရှိ၊ မရှိရဲတပ်ဖွဲကစစ်ဆေးလျက်ရှိသည်။ သိမ်းဆည်းရမိသောပိုင်ဆိုင်မှုပမာဏမှာ ထိုင်းဘတ်ငွေသန်း ၁၅၀ ခန့်ရှိကြောင်းရဲတပ်ဖွဲ့ထံမှသိရသည်။
Wang Zhen Nan သည်ခရီးသွားဗီဇာဖြင့် ထိုင်းနိုင်ငံသို့ဝင်ရောက်ခဲ့ပြီး ရာဇဝတ်မှုမှတ်တမ်းမရှိကြောင်းရဲတပ်ဖွဲ့ကပြောကြားထားသည်။
၎င်း၏ကိုယ်ပိုင်လေယာဉ်သည် ဖူးခက်အပြည်ပြည်ဆိုင်ရာလေဆိပ်မှ တစ်ဆင့် အောက်တိုဘာ၂၆ရက် ကတည်းကနိုင်ငံတွင်းမှ ထွက်ခွာခဲ့ပြီး၊ ၎င်း၏တည်နေကိုမသိရသေးပေ။