AB News – ဖေဖော်ဝါရီ ၁၈၊ ၂၀၂၆
ချန်ဒြာ
ရက္ခိုင်ပြည်၊ စစ်ကော်မရှင်တပ် ထိန်းချုပ်ထားသော စစ်တွေမြို့ရှိ စစ်တွေအကျဉ်းထောင်တွင် အကျဉ်းသားများ ရသင့်ရထိုက်သည့် အခွင့်အရေးများကို တောင်းဆိုသောကြောင့် နိုင်ငံရေးအကျဉ်းသား ၂ ဦး အပါအဝင် အကျဉ်းသားအချို့ တိုက်ပိတ်ခံထားရကြောင်း AAPP ၏ ထုတ်ပြန်ချက်အရ သိရသည်။
ထို့ပြင် စစ်တွေအကျဉ်းထောင်အပါအဝင် မကွေးတိုင်း၊ မကွေးအကျဉ်းထောင်တို့တွင်လည်း အကျဉ်းထောင်ဝန်ထမ်းများက နိုင်ငံရေးအကျဉ်းသားများကို ညှဉ်းပန်းနှိပ်စက်ခြင်း၊ အဓမ္မအလုပ်ခိုင်းစေခြင်းနှင့် လုံလောက်သည့် ဆေးဝါးကုသမှုများကို မပေးဘဲ လျစ်လျူရှုထားခြင်းများရှိနေကြောင်း သိရသည်။
၂၀၂၁ ခုနှစ်၊ ဖေဖော်ဝါရီလ ၁ ရက်နေ့ စစ်တပ် စစ်အာဏာသိမ်းမှု စတင်ချိန်မှစ၍ ၂၀၂၆ ခုနှစ်၊ ဖေဖော်ဝါရီလ ၁၆ ရက်နေ့ အထိ စစ်တပ်နှင့် စစ်တပ်လက်အောက်ခံတို့၏ သတ်ဖြတ်မှုကြောင့် ဒီမိုကရေစီရေးတက်ကြွလှုပ်ရှားသူများနှင့် ပြည်သူစုစုပေါင်း (၇၇၉၉) ဦးသေဆုံးခဲ့ရပြီး ဖြစ်ကြောင်း သိရသည်။
မတရားစစ်အာဏာသိမ်းမှုဖြစ်စဉ်နှင့် ဆက်စပ်၍ စုစုပေါင်းဖမ်းဆီးခံရသူ (၃၀၄၆၈) ဦးထိရှိခဲ့ပြီး ထိုအထဲမှ (၂၂၇၇၄) ဦးမှာ ထိန်းသိမ်းခံထားရဆဲဖြစ်ကာ ယင်းအထဲမှ (၁၁၅၂၅) ဦးမှာ ထောင်ဒဏ်ချမှတ်ခံထားရဆဲဖြစ်ကြောင်း သိရသည်။