AB News – သြဂုတ် ၁၅၊ ၂၀၂၅
မျိုးဟိန်း
ဂျပန်နိုင်ငံရောက် ရက္ခိုင်လူငယ်များ စုပေါင်းဖွဲစည်းထားသည့် Arakan FC (JP) အဖွဲက ရက္ခိုင်စစ်ဘေးရှောင်များအတွက် ငွေကျပ် သိန်း ၃၀၀ ကို သြဂုတ်လ ၁၁ ရက်နေ့တွင် လှူဒါန်းခဲ့ကြောင်း သိရသည်။
အဆိုပါအလှူငွေများကို Arakan FC (JP) ၏ အသင်းတာဝန်ခံဖြစ်သူ ဆာမူရိုင်း က R ကြီး ဦးဆောင်သည့် အမျိုးပြည်သူ ပရဟိတအကျိုးဆောင်အဖွဲထံသို ပေးအပ်လှူဒါန်းခဲ့ခြင်း ဖြစ်သည်။
အဆိုပါ ငွေများသည် ပြီးခဲ့သည့် ဇူလိုင်လ ၂၀ ရက်နေ့တွင် ကျင်းပခဲ့သော “အာရက္ခစစ်ဘေးရှောင်ပြည်သူများအတွက် ရန်ပုံငွေဖလား” ဘောလုံးပွဲမှ ရရှိခဲ့သည့် ရန်ပုံငွေများဖြစ်ကြောင်း Arakan FC (JP) ၏ ဖေ့စ်ဘုတ်ခ်စာမျက်နှာတွင် ဖော်ပြထားသည်။
Arakan FC (JP) က စစ်ဘေးရှောင်များ၏ စားဝတ်နေရေးနှင့် ကျန်းမာရေးအတွက် အဓိကထား သုံးစွဲစေလိုကြောင်း ပြောကြားခဲ့သည်။
အလှူငွေကို လက်ခံရယူခဲ့သည့် ကို R ကြီးကလည်း စစ်ဘေးရှောင်ပြည်သူများအတွက် ကျန်းမာရေးနှင့် စားနပ်ရိက္ခာ လိုအပ်ချက်များကို စနစ်တကျ ကူညီထောက်ပံ့ပေးသွားမည်ဖြစ်ကြောင်း သိရသည်။
လက်ရှိတွင် ရက္ခိုင်ပြည်၌ ပြီးခဲ့သည့် ဇွန်လနှင့် ဇူလိုင်လတိုအတွင်း မိုးသည်းထန်စွာ ရွာသွန်းမှုကြောင့် ရေကြီးရေလျှံမှုများ ဖြစ်ပေါ်ခဲ့ရာ၊ နေအိမ်များ၊ လယ်ဧကများ၊ စစ်ဘေးရှောင်စခန်းများနှင့် မွေးမြူရေးတိရစ္ဆာန် ထောင်နှင့်ချီ ပျက်စီးဆုံးရှုးခဲ့ကြောင်း ULA/AA ၏ လူသားချင်းစာနာထောက်ထားရေးနှင့် ဖွံဖြိုးရေးဆိုင်ရာ ပူးပေါင်းဆောင်ရွက်ရေးရုံး (HDCO) က သြဂုတ်လ ၁၃ ရက်နေ့တွင် ထုတ်ပြန်ခဲ့သည်။
ထိုအပြင် စစ်ဘေးရှောင်များမှာ နေရာထိုင်ခင်းနှင့် အမိုးအကာများ လိုအပ်နေပြီး ငှက်ဖျား၊ ဝမ်းရောဂါနှင့် အရေပြားရောဂါများလည်း ခံစားနေကြရကြောင်း အကူအညီပေးသူများ၏ ပြောကြားချက်အရ သိရသည်။