ABN-ဟိန်းထွန်း
စက်တင်ဘာ ၂၉ ရက်
ရခိုင်ပြည် ၊ မြောက်ဦးမြို့ ဆင်ချဆိပ်ရပ်ကွက်တွင် အသက် ၄ နှစ်အရွယ် မိန်းကလေးငယ်တစ်ဦးအား ငွေ ၁၀၀ ကျပ် မုန့်ဖိုးပေးပြီး လူမရှိသည့် နေရာသို့ ခေါာယူကာ မုဒိမ်းကျင့်မှု ဖြစ်ပွားခဲ့ကြောင်း သိရသည်။
သက်ငယ်မဒိန်းကျင့်ခံရသူမှာ မြောက်ဦးမြို့ ဆင်ချဆိပ် ရွာသစ်ရပ်မှ အသက် ၄ နှစ်အရွယ် မသဇင်ချေ (အမည်လွှဲ) ဖြစ်ပြီး ယနေ့ နေ့လည် ၂ နာရီခန့် ဖြစ်ပွားခဲ့ခြင်းဖြစ်ကြောင်း ရပ်ကွက်အုပ်ချုပ်ရေးမှူးက ပြောသည်။
တရားခံမှာ တစ်ရပ်ကွက်တည်းနေ အဖ ဦးအောင်စံလှ၏သား အသက် ၃၈ နှစ်အရွယ် ဦးဇော်ဝင်းမောင်ဖြစ်ပြီး ၎င်းသည် ကလေးငယ်ဆော့ကစားနေစဥ် ကလေးငယ်အား မုန့်ဖိုး ငွေ ၁၀၀ ကျပ်ပေးပြီး လူမရှိသည့်တစ်နေရာတွင် မုဒိမ်းကျင့်မှု ကျူးလွန်ခဲ့ကြောင်း ရပ်ကွက်အုပ်ချုပ်ရေးမှူး ဦးမောင်ပုက ABN သို့အတည်ပြုပြောသည်။
“ကလေးငယ်က လမ်းဘေးနားမှာရှိနေတဲ့အခါ သူက လူမရှိတဲ့နေရာကို ခေါ်သွားပြီး မုဒိမ်းကျင့်လိုက်ပါတယ်” ဟု ဆိုသည်။
မုဒိမ်းမှုကျူးလွန်သူအား ရက္ခိုင့်တပ်တော်က ဖမ်းဆီးထားကြောင်း သိရသည်။
ကျူးလွန်ခံခဲ့ရသည့် ကလးငယ်မှာ ဆေးကုသမှု ခံယူနေရကြောင်း သိရသည်။
သတင်းအပြည့်အစုံကို ဆက်လက်တင်ပေးသွားမည်ဖြစ်သည်။
