AB News – နိုဝင်ဘာ ၁၅၊ ၂၀၂၃
ရက္ခိုင်ပြည် ရသေ့တောင်မြို့မရဲစခန်းမှ စခန်းမှူးအပါအဝင် ရဲသား ၁၆ ယောက်ကို စကစ စစ်သားများက ၅၃၇ တပ်ရင်းသို့ စစ်ကားဖြင့်
ဖမ်းဆီးသွားကြောင်း သတင်းရရှိသည်။
၎င်းတို့ကို ယနေ့ နိုဝင်ဘာလ ၁၅ ရက်နေ့ ညနေ ၄ နာရီက စစ်ကောင်စီတပ်ဖွဲ့ဝင်များက မြို့မရဲစခန်းသို့လာပြီးဖမ်းခေါ်သွားကြောင်း ဒေသခံ တစ်ဦးက AB News သို့ပြောသည်။
“ညနေ ၄နာရီလောက်မှာ စကစတပ်ဖွဲ့ဝင်တွေက ရဲစခန်းကိုရောက်လာတယ်၊ ကားနဲ့ဖမ်းဆီးသွားတယ်” ဟုဆိုသည်။
စကစတပ်ဖွဲ့များသည် မည်သည့်ကိစ္စကြောင့်လာရောက်ဖမ်းဆီးသွားသည်ကို မသိရှိရသေးပေ။
၎င်းတို့ဖမ်းဆီးပြီးနောက် စကစ တပ်ရင်း ၅၃၆၊ ၅၃၇၊ ၅၃၈ တပ်ရင်း ၃ ခုပေါင်းထားသည်ဟု သိရသည်။
ထို့အပြင် စစ်ကောင်စီတပ်ရင်းများသည် မီးစက်ကြီးတွင် လုံခြုံရေးအပြည့်ချထားကာ စေတီတောင်၊ ရှင်တစ်ထောင်၊ သင်္ဘောတောင်တို့တွင် အဓိကနေရာယူထားကြောင်း AB News က စုံစမ်းသိရှိရသည်။
စစ်ကောင်စီတပ်ဖွဲ့တို့သည် မီးစက်ကြီးအတွင်းနေရာယူထားသည်သာမက ရုံးထဲရှိသည့် လျပ်စစ်ဝန်ထမ်းများကိုလည်း ပြန်လွှတ်လိုက်ကြောင်း ဒေသခံတစ်ဦးက AB News သို့ပြောသည်။
“စကစတွေက မီးစက်နဲ့ တခြားကုန်းတွေကို နေရာယူထားတယ်၊ မီးလိုင်းဖြတ်ဖို့ကြိုးစားနေတယ်၊ ရုံးတွင်းမှာလုပ်ကိုင်နေတဲ့သူတွေကိုလည်း စကစက သူတို့ကိုပြန်လို့ပြောတယ် ၊ မင်းတို့သွားလို့ရပြီ ပြောလိုက်တယ်” ဟု ဆိုသည်။
ရသေ့တောင်မြို့တွင် ၇ နာရီ ၁၀ မိနစ်ကျော်ခန့်က မီးခဏပြတ်သွားပြီး ၇ နာရီ မိနစ် ၂၀ တွင်မီးပြန်ရကြောင်း သိရသည်။
စစ်ကောင်စီတပ်ဖွဲ့ဝင်များ ဓားအားလိုင်းများအား ဖြတ်တောက်လျှင် ၎င်းတို့ရပ်ကွက်များသို့ အလွယ်တကူသွားလာနိုင်ပြီး ဖမ်းချင်သူဟူသမျှဖမ်းယူသွားနိုင်ကြောင်း ဒေသခံများပြောပြချက်အရ သိရသည်။
လက်ရှိတွင်လည်း စကစ တပ်ဖွဲ့ဝင်တို့သည် စစ်ဘေးရှောင်စခန်းသို့ သွားပြီး စစ်ဆေးမေးမြန်းမှု ပြုလုပ်နလျက်ရှိနေသည်။
ထို့အပြင် မြို့ထဲတွင် လက်နက်များကိုင်ပြီး လမ်းသွားလမ်းလာ ရှိနေသည့်အတွက် မြို့ခံပြည်သူများ စိုးရိမ်ထိတ်လန့်လျက်ရှိနေသည်။