အနောက်ပိုင်းတိုင်း စစ်ဌာနာချုပ် အမ်းတွင် ညပွဲ ရှိ၍ သေနတ်ပစ်ဖောက်ခြင်းဖြစ်ကြောင်း စုံစမ်းသိရှိရ
အနောက်ပိုင်းတိုင်း စစ်ဌာနာချုပ်တည်ရှိရာ အမ်းမြို့တွင် တပ်မတော်နေ့ (စကစ) အထိမ်းအမှတ်အဖြစ် ညပွဲ ရှိ၍ လက်နက်ကြီး၊ ငယ်များ ပစ်ဖောက်ခဲ့ခြင်းဖြစ်သည် ဟု တပ်နဲ့နီးစပ်သူများ ပြောပြချက်အရ သိရသည်။
ယနေ့ နေ့လည်ကလည်း တပ်မတော်နေ့အခမ်းအနား စစ်ရေးပြရာ၌ လက်နက်များ ပစ်ဖောက်ခဲ့ကြောင်း ၎င်းတို့ကပြောသည်။
ယနေ့ ည ၈နာရီခွဲကျော်မှ ၉ နာရီနီးပါးထိ လက်နက်များ ပစ်ဖောက်သံ ကြားလိုက်ရကြောင်း ၎င်းတို့က ပြောသည်။
ယနေ့သည် ၇၈ နှစ်မြောက် တပ်မတော်နေ့ (စကစ) အထိမ်းအမှတ်အဖြစ် နေပြည်တော်အပါအဝင် စစ်ကောင်စီ၏ တပ်ရှိရာ ဒေသအများစုတွင် စစ်ရေးပြနှင့် သေနတ်ပစ်ဖောက်မှုများ ပြုလုပ်ခဲ့ကြောင်း စုံစမ်းသိရှိရသည်။
ဓာတ်ပုံ-MPA