ရခိုင်ပြည်၊ အမ်းမြို့နယ်တွင် စစ်ကောင်စီတပ်မှ မူလတန်းကျောင်းအုပ် ဆရာတစ်ဦးအား ယနေ့ နိုဝင်ဘာလ ၁၄ ရက် နေ့လည် ၂ နာရီက ဖမ်းဆီးသွားခဲ့သည်ဟု သိရသည်။
ထိုဆရာကြီးမှာ အမ်းမြို့နယ် ခွဆုံပြင်ရွာမှ ဦး မောင်ကျန်ဝေ၊ ဒေါ် လှတင်တို၏သား ဦးဇော်ဖြိုးဝေ ၂၉ နှစ်ဖြစ်ပြီး ၎င်းကို အမ်းမြို့အခြေစိုက် စစ်ကောင်စီတပ်မှ အင်အား ၃၃ ယောက်ခန့် လာရောက်ဖမ်းဆီးသွားခြင်းဖြစ်သည်။
ဆရာ ဦးဇော်ဖြိုးဝေမှာ အမ်းမြိုနယ် လုံးအုပ်စု ခရမ်းကျွန်းရွာ အ.မ.က ကျောင်းတွင် မူလတန်းကျောင်းအုပ်အဖြစ်တာဝန်ထမ်းဆောင်နေသူ တစ်ဦးဖြစ်သည်။
ယမန်နေ့ကလည်း စစ်ကောင်စီတပ်မှ ကျောက်ဖြူမြို့တွင် စစ်ကောင်စီခန့် ဝန်ထမ်း ၅ ဦး အားဖမ်းဆီးခဲ့သည့်အပြင် ပြီးခဲ့သည့် အောက်တိုဘာလကလည်း ရပ်ကွက်အုပ်ချုပ်ရေးမှူးများနှင့် စစ်ကောင်စီဝန်ထမ်းများအား ဖမ်းဆီးထိန်းသိမ်းထားကာ ၎င်းတို့မှာ ပြန်လည်လွတ်မြောက်လာခြင်း မရှိကြသေးပေ။