ရက္ခိုင်ပြည်၊ ကျောက်ဖြူမြို့ ကုလားပိုက်ဆိပ်ရပ်ကွက် ၊ မီးလောင်ကွင်းစုတွင် စစ်ကောင်စီတပ်ဖွဲ့ဝင်များက ပြည်သူပိုင်နေအိမ် များကို ဘတ်ဟိုးဖြင့် ဖျက်ဆီးနေကြောင်း သိရသည်။
စစ်ကောင်စီတပ်ဖွဲ့ဝင်များသည် ယနေ့ ဧပြီလ ၁၂ ရက်၊ ညနေ ၃ နာရီကျော်တွင် ဘတ်ဟိုးတစ်စီးဖြင့် ပြည်သူပိုင်နေအိမ်များကို ဖျက်ဆီးနေကြောင်း ဒေသခံတစ်ဦးက AB News သို့ ပြောသည်။
ဌာနဆိုင်ရာ ပေါင်းစုံပါတယ်။ ပြည်သူပိုင်နေအိမ်တွေကို ဘတ်ဟိုးနဲ့ ဖျက်ဆီးနေပါတယ်။ အိမ် ၆ ဆောင်လောက်ပျက်စီးသွားပါပြီ။ ဟု
ဒေသခံတစ်ဦးက ဆိုသည်။
စစ်ကောင်စီတပ်ဖွဲ့ဝင်များသည် ပြည်သူများကို အသိမပေးဘဲ အိမ်များကို အဓမ္မဖြိုဖျက်စီးနေသည့်အတွက် ဒေသခံပြည်သူများလည်း စိုးရိမ်ထိတ်လန့်နေကြကြောင်း သိရသည်။
လက်ရှိအချိန်ထိ နေအိမ်များကို ဘတ်ဟိုးဖြင့် ဖျက်စီးနေလျက်ရှိကြောင်း တွေ့ရသည်။
အိမ်များ ဖျက်ဆီးခံရသည့် နေအိမ်ပိုင်ရှင်များကို AB News က ဆက်လက်စုံစမ်းနေဆဲဖြစ်သည်။
#ABN# ကျောက်ဖြူ# စစ်ကောင်စီအဖွဲ့ ပြည်သူပိုင်နေအိမ်များကို ဘတ်ဟိုးဖြင့်ဖျက်ဆီး