ABN-ရှိုင်းမိုး
သြဂုတ် ၂၇ရက်
ရခိုင်ပြည် ရမ်းဗြဲမြို့နယ် လေးတောင်မြို့မှ အသက် ၃နှစ်နှင့် ၈လ အရွယ် ကလေးငယ်တစ်ဦးအား မဒိမ်းမှု ကျူးလွန်သူအား သက်ဆိုင်ရာ အာရက္ခပြည်သူ့အစိုးရမှ ဖမ်းဆီးထိန်းသိမ်းထားသည်ဟုသိရသည်။
မုဒိမ်းမှုကျူးလွန်ခံခဲ့ရသည့် ကလေးငယ်မှာ ကျောက်ဖြူဆေးရုံကြီးတွင် ၄ ရက်တာဆေးကုသမှုခံယူခဲ့ရသည်ဟုသိရသည်။
ဖြစ်စဥ်မှာ သြဂုတ်လ ၂၂ရက်နေ့ နေ့လည် ၂နာရီကျော်ခန့်က ဖြစ်ပွားခဲ့သည်ဟုသိရသည်။
ပြစ်မှုကျုးလွန်သူကို သြဂုတ်လ ၂၄ရက်နေ့က အာရကခပြည်သူ့အစိုးရအဖွဲ့မှ ဖမ်းဆီးထိန်းသိမ်းထးပြီးဖြစ်ကြောင်း တာဝန်ရှိသူတစ်ဦးက ပြောသည်။
” ပြစ်မှုကျုးလွန်တဲ့သူကိုဖမ်းထားပါတယ်၊ ကလေးကတော့ အခုကျောက်ဖြူဆေးရုံကဆင်းပါပြီ၊ အခုသက်သာသွားပါတယ်၊ ပထမတော့ သတိတောင်မရခဲ့ပါဘူး၊ သူ့အသက်အန္တရာယ်ကိုတောင် စိုးရိမ်ခဲ့ရပါတယ်၊ ဘာလို့လဲဆိုတော ကလေးက တအားငယ်တော့စိတ်ပူမိခဲ့တယ်” ဟုဆိုသည်။
ကျူးလွန်သူသည် တရွာတည်းနေ ဦး—၏သား အသက် ၁၅နှစ်အရွယ် မောင်—ဖြစ်သည်။
မိဘများက သမီးဖြစ်သူ၏ မိန်းမကိုယ်မှ သွေးထွက်နေသည်ကို တွေ့သော်လည်း သာမန်မတော်တဆ ထိခိုက်မိသည်ဟုထင်ခဲ့ကြသည်။
၎င်းနေ့ ညနေ ၈နာရီကျော်အချိန်ထိလည်း သွေးထွက်သည်မှာ ရပ်စဲသွားခြင်းမရှိဘဲ ပို၍ဆိုးဝါးလာသောကြောင့် လေးတောင်မြို့ဆေးရုံသို့သွား၍ ပြရာမှ ဆရာဝန်က လူနာမှာ မုဒိမ်းမှုပြုကျင့်ခံထားရခြင်း ဖြစ်ကြောင်းအတည်ပြုပြောသည်ဟု ဆွေမျိုးနီးစပ်တော်သူ တစ်ဦးကပြောသည်။
ပြစ်မှုကျုးလွန်သူ မောင်—သည် ကျူးလွန်ခံရသူ မ—-၏နေအိမ်သို့ မကြာခဏ လာရောက်တတ်သူဖြစ်ပြီး ရင်းနှင်းသိကျွမ်းဝင်သူတစ်ဦး ဖြစ်သည်ဟု ထိုရွာအုပ်ချုပ်ရေးမှူး ဦးဇော်မင်းနိုင်က ပြောသည်။
“ကလေးကအခုဆေးရုံကဆင်းပြီး၊ ပြစ်မှုကျုးလွန်သူတဲ့ ကောင်လေးနဲ့က ကလေးအိမ်ကိုမကြာခဏလာတယ်၊ တီဗွီတွေဘာတွေတက်ကြည့်လေ့ရှိတယ်၊ အုပ်စုတစ်ခုတည်းမှာနေကြတာဆိုတော့ ရင်းနှီးကြပါတယ်” ဟုဆိုသည်။
ပြစ်မှူးကျူးလွန်သူသည် ဖခင်ဖြစ်သူ၊ ဦးလေးဖြစ်သူတို့နှင့်အတူ ထွက်ပြေးတိမ်းရှောင်နေခဲ့ရာ သက်ဆိုင်ရာ ULA/AA ၏ သက်ဆိုင်ရာ အာရက္ခပြည်သူ့အစိုးရက ၂ ရက်အကြာတွင် ဖမ်းဆီး ထိန်းသိမ်းနိုင်ခဲ့ကြောင်း သိရသည်။
