ရခိုင်ပြည် ပုဏ္ဏားကျွန်းမြို့နယ် ဆင်အင်းကြီးရွာတွင် မနေ့ညက စစ်ကောင်စီတပ်မှ ရည်ရွယ်ချက်ရှိရှိ ရွာထဲဝင်ကာ ပစ်သတ်မှုကြောင့် အသက်(၈၇)အရွယ်အဘွားအို တစ်ဦးအပါအဝင် သေဆုံးသူ (၁၀) ထက်မနည်းရှိကြောင်း ABN က စုံစမ်းသိရှိရသည်။
ပစ်သတ်ခံရသူများအားလုံးမှာ ပုဏ္ဏားကျွန်းမြို့နယ် ဆင်အင်းကြီးရွာမှဖြစ်ပြီး သေဆုံးသူများမှာ ဒေါ်မခင်သိန်း မိခင် ဒေါ် ယိုင်ညွန့်ဖြူ အသက်(၈၇)နှစ်၊ ဦးမောင်စံလှ အသက် ၃၇ နှစ်၊ ဦးခင်မောင် အသက် ၅၇ နှစ်၊ မ ခင်လှိုင်မြင့် ၊ ဦး ထွန်းသာကျော်၊ ဦးအေးစိန်၊ မောင်မောင်သိန်း အသက် ၄၄ နှစ် ၊ ဦးကျော်ဇံ အသက် ၆၂ နှစ် ၊ မောင်ထွန်းသိန်း နှင့် နယ်မှလာပြီး အသက် ၈၇ နှစ်အရွယ်အဘွားအိုကို ဆေးကုသပေးနေသည့် ရသေ့တောင်နယ်မှ ပရဆေးဆရာတစ်ဦးပါဝင်ကြောင်း သိရသည်။
အဆိုပါ အသတ်ခံရသူများမှာ မနေ့ညက စစ်ကောင်စီမှ ဆင်အင်းကြီးရွာထဲကို ဝင်ရောက်ပြီး မီးရှို့စဥ် ရွာထဲတွင် ကျန်ရစ်ခဲ့သူများဖြစ်သည်။
ထို့အပြင် စစ်ကောင်စီတပ်ဖွဲ့ များသည် မနေ့ညက ဆင်အင်းကြီးရွာမှ နေအိမ် ၃၀ကျော်ကို မီးရှို့ ခဲ့ပြီး လူနေအိမ် အိမ် ၇ ဆောင်မီးလောင်ပြာကျသွားခဲ့ရပြီး ကျန်အိမ်များမှာ ပျက်စီးသွာရကြောင်းသိရသည်။
ဆင်အင်းကြီး ရွာထဲရှိ လမ်းမထက်တွင် သေနတ်ဖြင့် ပစ်ခတ်ခံရပြီး ဒဏ်ရာများဖြင့် သေနေကြသည့် ရွာသားများ၏ ရုပ်အလောင်း ၆ လောင်းကို တွေ့ ရှိ ရပြီး အသက် ၈၇ နှစ်အရွယ် အဘွား၏ ရုပ်အလောင်းကိုမူ ထိုအဘွားအို၏ နအိမ်တွင် တွေ့ရခြင်းဖြစ်သည်။
“အလောင်း ၇ လောင်းကတော့ ရွာထဲမှာ တွေ့ပါတယ်၊ ကျန်တယ်သူတွေ့ရဲ အလောင်းကိုတော့ မတွေ့ သေးပါဘူး၊ မနေ့ညက စစ်ကောင်စီအဖွဲ့ ဝင်ပြီး သေနတ်နှင့်ပစ်သတ်ခဲ့ကြတာပါ” ဟု ဒေသခံတစ်ဦးမှပြောပါသည်။
ရွာထဲတွင် ဒရုန်းဖြင့် ပစ်ခတ်သွားသည်ဟု ယူဆရသည့် ၃ လုံးတွဲ ကျည်ခွံများပါ တွေ့ ရကြောင်း ဒေသခံ ရွာသား တစ်ဦးက ပြာသည်။
စစ်ကောင်စီတပ်သားများသည် နိုဝင်ဘာ ၁၀ ရက်နေ့ မနက် ၆နာရီ ကျော် အချိန်ကတည်းက လက်နက်ကြီးများ ပစ်ခတ်ပြီး ၉ကျော်ခန့်မှစ၍ ဂျက်ဖိုင်တာရဟတ်ယာဥ် ၂ စီးဖြင့် အိုင်ဒင်၊ ပဒေသာ၊ ဆင်အင်းကြီးရွာများသိ စက်သေနတ်များဖြင့် ပစ်ခတ်ခဲ့သည်။
အိုင်ဒင်ရွာမှ အသက် ၁၅ နှစ်အရွယ် ကျောင်းသား တစ်ဦးတွင် ပေါင်ကို လက်နက်ကြီး ကျည်စထိမှန်၍ လက်ရှိ အချိန်တွင် စစ်တွေ ဆေးရုံကြီးတွင် ဆေးကုသမှု ခံယူလျက် ရှိနေသည်။
