ABN-ရှိုင်းမိုး
ဇူလိုင် ၅ရက်
ကချင်လွတ်လပ်ရေးတပ်မတော် (KIA) ဌာနချုပ်၊ လိုင်ဇာခရိုင်သို့ မြန်မာစစ်တပ်က စစ်ကြောင်းထိုးနေ သဖြင့် တိုက်ပွဲများအချိန်မရွေး ဖြစ်လာနိုင်၍ ဒေသခံပြည်သူများအနေနှင့် အထူးဂရုစိုက်သွားလာ နေထိုင်ကြရန် လိုင်ဇာခရိုင် အုပ်ချုပ်ရေးရုံးက ဇူလိုင်လ ၄ ရက်နေ့က သတိပေးချက်ထုတ်ပြန် လိုက်သည်။
ထိုထုတ်ပြန်ချက်တွင် မြန်မာစစ်တပ်နှင့် နီးစပ်ရာဒေသများ၊ တိုက်ပွဲဖြစ်ပွားနေသော နေရာများနှင့် တိုက်ပွဲဖြစ်လာနိုင်သည့်နေရာများသို့ မသွားကြရန်၊မြစ်ကြီးနား-ဗန်းမော်လမ်တစ်လျှောက် ခရီးသွားလားမှုကိုလည်း အတတ်နိုင်ဆုံး ရှောင်သွားကြရန်၊ အကယ်၍ မဖြစ်မနေ သွားဖို့လိုအပ်နေပါက စစ်ရေးအခြေအနေကို လေ့လာပြီးမှသာ သွားလာကြရန်ဖော်ပြထားသည်။
၎င်းအပြင် မြန်မာစစ်တပ်ကို လူအားနဲ့ ဖြစ်စေ၊ ပစ္စည်းအင်အားနဲ့ဖြစ်စေ ကူညီပတ်သက်ခြင်း လုံးဝမလုပ်ကြဖို့ကိုလည်း KIA က သတိပီး တိုက်တွန်းထားပါသည်။
ဇူလိုင်လ အစောပိုင်းမှစ၍ မြစ်ကြီးနား-ဗန်းမော်ကားလမ်းတွင် KIA နဲ့ မြန်မာစစ်တပ်တို့အကြား တိုက်ပွဲများ ပြန်လည်ဖြစ်ပွားနေကြပြီး စစ်ရေး
တင်းမာလျက်ရှိကြောင်း သိရသည်။
လိုင်ဇာသည် ရက္ခိုင့်တပ်တော် ဌာနချုပ်တည်ရှိရာနေရာလည်းဖြစ်သည်။