AB News – ၄ ၊ ၂၀၂၅
မြန်မာနိုင်ငံအတွင်း အင်အားပြင်းငလျင်ဒဏ်ကြောင့် ထိခိုက်ခံစားနေရသူများအတွက် အရေးပေါ်ကုသမှုပေးရန် ကမ္ဘာ့ကျန်းမာရေးအဖွဲ့(WHO)မှ အရေးပေါ်ကျန်းမာရေးပစ္စည်းများ တန်ချိန် ၃၅ တန် ထပ်မံ ရောက်ရှိလာသည်ဟု မြန်မာနိုင်ငံ၏ ကုလသမ္ဂရုံးမှ ထုတ်ပြန်သည်။
ယခုတကြိမ် ရောက်ရှိလာခြင်းသည် ငလျင်ဖြစ်ပွားပြီးနောက် (WHO)မှ ပေးပို့ခဲ့သည့် ဆေးဘက်ဆိုင်ရာ ပစ္စည်းများ၏ ပမာဏမှာ စုစုပေါင်း တန်ချိန် ၁၀၀ နီးပါး အထိ ရှိလာပြီဖြစ်ကြောင်း ထုတ်ပြန်ထားသည်။
ထိုကျန်းမာရေးပစ္စည်းများထဲတွင် အရေးကြီးသော ဆေးဝါးများ၊ ဒဏ်ရာကုသရေးပစ္စည်များ၊ ခွဲစိတ်မှုဆိုင်ရာကိရိယာများနှင့် ရွေ့လျားကျန်းမာရေးတဲများ ပါဝင်သည်ဟု ထုတ်ပြန်ချက်တွင် ဖော်ပြထားသည်။
အဆိုပါပစ္စည်းများကို ငလျင်ဒဏ် အထိခိုက်ခံစားရဆုံးဒေသများသို့ ဖြန့်ဝေရန် အသင့်ပြင်ဆင်လျက်ရှိပြီး ဆေးရုံများနှင့် အရေးပေါ်တုန့်ပြန်ဆောင်ရွက်နေသူများအနေဖြင့် အသက်ကယ်လုပ်ငန်းများ ဆက်လက်လုပ်ဆောင်နိုင်ရန် အထောက်အကူပြုစေမည်ဟု ဆိုထားသည်။
မြန်မာနိုင်ငံအတွင်း မတ်လ ၂၈ ရက်နေ့က လှုပ်ခတ်ခဲ့သည့် ငလျင်ဒဏ်ကြောင့် သေဆုံးသူ ဦးရေ ၃၀၀၀ကျော်နှင့် ဒဏ်ရာရရှိသူ ဦးရေ ၄၅၀၀ခန့်ရှိကြောင်း သိရသည်။