AB News-သြဂုတ် ၂၅၊ ၂၀၂၄
အကျဥ်းချုပ်
အသက် ၃၅ နှစ်အရွယ် ဟိန္ဒူအမျိုးသမီးသည် မောင်တောမြို့၊ အောင်ဗလကယ်ဆယ်ရေးစခန်းတွင် နေထိုင်နေစဥ် ဇူလိုင်လ ၂၆ ရက်နေ့၊ နံနက် ၁၀ နာရီခန့်တွင် စစ်ကောင်စီတပ်နှင့် ARSA ပူးပေါင်းအဖွဲ့တို့၏ အဓမ္မဖမ်းဆီးခြင်းကို ခံခဲ့ရပြီး ARSA အဖွဲ့ဝင် ၂ ဦး၏ လိင်ပိုင်းဆိုင်ရာ ကျူးလွန်ခြင်းကိုခံခဲ့ရကြောင်း ကာယကံရှင် ကိုယ်တိုင် AB News နှင့် မေးမြန်းချက်တွင် ထွက်ဆိုထားသည်။
မေး။ ။ သာလီစွပါ မမ။
ဖြေ။ ။ သာလီစွပါ။
မေး။ ။ မမနာမည်နှင့် နေရပ်လိပ်စာကို တစ်ချက် မိတ်ဆက်ပေးပါ။
ဖြေ။ ။ Anushka (အမည်လွှဲ) ပါ။ မောင်တောမြို့၊ အောင်ဗလကယ်ဆယ်ရေးစခန်းကပါ။
မေး။ ။ မောင်တောမြို့ထဲမှာ ပိတ်မိနေချိန် လိင်ပိုင်းဆိုင်ရာ စော်ကားခံရမှုတွေရှိတယ်လို့ ကျမတို့ သိထားရပါတယ်။ အဲဒါဟုတ်ပါသလား တချက် ပြောပြပေးပါ။
ဖြေ။ ။ ဟုတ်ပါတယ်။
မေး။ ။ မမကိုယ်တိုင်ကော အဲသလိုမျိုး လိင်ပိုင်ဆိုင်ရာ စော်ကားမှု ခံခဲ့ရတာရှိပါသလား။
ဖြေ။ ။ လိင်ပိုင်းဆိုင်ရာ စော်ကားမှုခံခဲ့ရပါတယ်။
မေး။ ။ ဘယ်လိုမျိုး ဖမ်းဆီးယူသွားတာပါလဲ။
ဖြေ။ ။ ကျမအမျိုးသားကို ဖမ်းသွားတော့ ကျမက နောက်က လိုက်သွားတဲ့ခါ ဖမ်းဆီးခံရတာပါ။
မေး။ ။ ဘယ်လိုမျိုး အကြမ်းဖက်မှုကို ခံခဲ့ရလဲဆိုတာကို အသေးစိတ် ပြောပြပေးပါ။
ဖြေ။ ။ ကျမအမျိုးသားရော့ ကျမပါ ရက်ရက်စက်စက် ရိုက်နှက်ခံခဲ့ရပါတယ်။
မေး။ ။ မမကို အဓမ္မ(လိင်ပိုင်းဆိုင်ရာ) ကျူးလွန်တာ ဘယ်အဖွဲ့အစည်းကပါလဲ။
ဖြေ။ ။ ကုလား ARSA အဖွဲ့ကပါ။
မေး။ ။ မမကို မတရားကျူးလွန်တာမှာ ဘယ်နှစ်ယောက်လောက်ပါ ပါသလဲ။
ဖြေ။ ။ ၂ ယောက်ပါ။
မေး။ ။ အကြမ်းဖက် လက်နက်ကိုင်အဖွဲ့အစည်းတွေရဲ့ လက်ထဲက ဘယ်လိုမျိုး ပြန်လွတ်မြောက်လာတာပါလဲ။
ဖြေ။ ။ ဒုက္ခရောက်ခံပြီး ခိုးထွက်လာတာပါ။ အစောင့်တစ်ယောက်ရှိတယ်။ သူ့ကို နားက ရွှေနားဒေါင်းကို ချွတ်ပြီး ပေးခဲ့ပါတယ်။ ကျမတို့ကို ရိုက်နှက်၊ မုဒိမ်းကျင့်ပြီးတဲ့နောက် အိမ်တစ်အိမ်မှာ ထားခဲ့တယ်။ အဲဒီအိမ်က အစောင့် အိမ်ပိုင်ရှင်ကို ရွှေနားဒေါင်းကို ချွတ်ပေးပြီး ထွက်ပြေးလာခဲ့ကြတာပါ။ ပထမ ကျမအမျိုးသား ထွက်ပြေးတယ်။ ကျမက အိမ်ပိုင်ရှင်ကို ပြောတယ်။ ကျမအသက်ကို ကယ်ပါလို့ ပြောပြီး ထွက်ပြေးလာခဲ့ပါတယ်။
မေး။ ။ သူတို့တွေ မတရားကျူးလွန်ဖို့ ကြိုးစားတဲ့ခါ ဘယ်လိုမျိုး ခြိမ်းခြောက်မှုတွေ ရှိခဲ့ပါသလဲ။
ဖြေ။ ။ ကျမကိုတော့ နှုတ်ကြမ်းနဲ့ ဆဲတယ်။ ပြီးရင် ကျမအမျိုးသားကို ရိုက်နှက်ပြတယ်။ နင့်လင်ကို သတ်တာ နင်ကြည့်နေ။ ဒီလိုမျိုး နင့်လင်ကို အသက်သေအောင် သတ်ပစ်လိုက်မယ်လို့ ပြောတယ်။ ကျမကို ပါးစပ်ပိတ်ပြီးခေါ်သွားတယ်။
မေး။ ။ မတရားကျူးလွန်ခံရပြီးတဲ့နောက် အဲဒီမတရားကျူးလွန်တဲ့အဖွဲ့အစည်းက တခြားလူတွေကို ဖွင့်မပြောအောင် ဘယ်လိုမျိုး ဖိအားပေးတာရှိလဲ။
ဖြေ။ ။ သူတို့က စကားတစ်ခွန်းမှ မပြောဘူး။ အ,အလိုပဲ။ သူတို့က ဆက်တိုက်ရိုက်တာပဲရှိတယ်။ ကျမတို့ကိုလည်း စကားပြောခွင့်မပေးဘူး။ ငါတို့ သတ်ဖို့ တစ်ခုတည်းတတ်တယ်။ ငါတို့ လည်လှီးဖို့ တတ်တယ်။ ဟိန္ဒူတွေကို သတ်ဖို့လာတာလို့ ပြောတယ်။
မေး။ ။ မမကို လိင်ပိုင်းဆိုင်ရာ မတရားကျူးလွန်ခဲ့တဲ့လူတွေ တစ်ယောက်ချင်းစီကို အပြင်မှာ မြင်ရင် မှတ်မိနိုင်မလား။
ဖြေ။ ။ မှတ်မိပါတယ်။
မေး။ ။ လိင်ပိုင်းဆိုင်ရာ ကျူးလွန်ခဲ့တဲ့ လူတွေကိုကော အရင်က တွေ့ဖူးပါလား။
ဖြေ။ ။ မတွေ့ဖူးပါ။ အရင်က တစ်ခါမှ မမြင်ဖူးဘူး။
မေး။ ။ မောင်တောမြို့ထဲမှာ ပိတ်မိနေတဲ့ခါ တခြား ဘယ်လိုမျိုး အခက်အခဲတွေနဲ့ ကြုံတွေ့ခဲ့ရပါသလဲ။
ဖြေ။ ။ အမျိုးသားက အိမ်ပြင်ထွက်ပြီးလည်း အလုပ်မလုပ်နိုင်တော့ အငတ်ခံရတာရှိပါတယ်။ အခြားသူတွေက ပေးရင် စားရတယ်။ မပေးရင် မစားရပါဘူး။
မေး။ ။ မမကိုယ်တိုင်လည်း မတရားကျင့်ခံခဲ့ရတယ်။ မမအိမ်ရှင်လည်း အဖမ်းခံထားရတဲ့အချိန်မှာ ဘယ်လောက်ထိ ခံစားခဲ့ရပါသလဲ ပြောပြပေးပါ။
ဖြေ။ ။ အရမ်းခံစားရပါတယ်။ ကျမအမျိုးသားကို ကျမရှေ့မှာ ရိုက်နှက်တာကြောင့် သွေးတွေ ထွက်နေတာကို မြင်ရတယ်။
မေး။ ။ ဒီလိုမတရားကျူးလွန်ခံလိုက်ရတဲ့အတွက် မမ ဘယ်လိုမျိုး တရားမျှတမှုကို လိုချင်ပါသလဲ။
ဖြေ။ ။ ဖြစ်နိုင်မယ်ဆိုရင် သူတို့ကို သေနတ်နဲ့ ပစ်သတ်ပစ်လိုက်ရမယ်။ ကျမတို့မှာ အင်အားမရှိလို့ သူတို့ကို ဘာမှမလုပ်နိုင်ခဲ့ဘူး။ ဖြစ်နိုင်မယ်ဆိုရင် ကျမကိုယ်တိုင် ကျမလက်နဲ့ သတ်ချင်တယ်။
မေး။ ။ မောင်တောမြို့ထဲမှာ အကြမ်းဖက်ခံရမှုတွေနဲ့ ပိတ်မိနေတဲ့အချိန် ဘယ်အဖွဲ့အစည်းက လာပြီးတော့ ကယ်ထုတ်ခဲ့တာပါလဲ
ဖြေ။ ။ AA ကပါ။
မေး။ ။ ခုလို ရက္ခိုင့်တပ်တော် AA ထိမ်းချုပ်ထားတဲ့ နေရာမှာ ခိုလှုံနေရတာ လုံခြုံမှုရှိတယ်လို့ ခံစားရပါလား။
ဖြေ။ ။ လုံးဝ လုံခြုံမှုရှိပါတယ်။
မေး။ ။ အခုလက်ရှိနေရာမှာ စားဝတ်နေရေးကော အဆင်ပြေပါလား။
ဖြေ။ ။ စားဝတ်နေရေးအဆင်ပြေပါတယ်။
မေး။ ။ စားဝတ်နေရေးကိုကော ဘယ်အဖွဲ့အစည်းက ထောက်ပံ့ပေးထားတာပါလဲ။
ဖြေ။ ။ ရက္ခိုင့်တပ်တော် AA က ကူညီထောက်ပံ့ပေးထားပါတယ်။