ယနေ့ ဇွန်လ ၉ ရက်နေ့ နေ့လည် ၂ နာရီခွဲခန့်က မင်းပြားမြို့ကို စစ်ကောင်စီက ဂျက်တိုက်လေယာဥ်ဖြင့် ဗုံးကြဲတိုက်ခိုက်ခဲ့ရာ အမျိုးသမီး ၁ ဦးပွဲချင်းပြီး သေဆုံးသွားပြီး ဘုန်းတော်ကြီးကျောင်း ၁ ကျောင်းပျက်စီးသွားသည်ဟု ဒေသခံများက ပြောသည်။
သေဆုံးသွားသည့်အမျိုးသမီးမှာ မင်းပြားမြို့ အလယ်ပိုင်းရပ်ကွက်၊ စွန်ရဲလမ်းမှ အဖဦးအောင်သိန်းကျော်၏ သမီးဖြစ်သူ အသက် ၄၃ နှစ်အရွယ် ဒေါ်ယဥ်ယဥ်အေးဖြစ်ပြီး ပျက်စီသွားသည့် သာသနိအဆောက်အဦးမှာ ဓမ္မိကာရုံကျောင်းတိုက် ဘုန်းတော်ကြီးကျောင်းဖြစ်သည်။
အကြမ်းဖက် စစ်ကောင်စီက ဗုံးကြဲတိုက်ခိုက်မှုကြောင့် ဒေါ်ယဥ်ယဥ်အေး၏ ခန္ဓားကိုယ်အနှံ့နှင့် တင်ပါးများမှ ဗုံးစထိမှန်ကာ သေဆုံးသွားခြင်းဖြစ်ပြီး၊ ဘုန်းတော်ကြီးကျောင်းတွင် ခေါင်းမိုးများနှင့် ကျောင်းတွင်းရှိ သာသနိကပစ္စည်းများစွာ ပျက်စီးသွားကြောင်း မြို့ခံ ၁ ဦးက အတည်ပြုပြောသည်။
“Jet Fighter က နေ့လည် ၂ နာရီခွဲလောက်မှာ လာပစ်သွားတာပါ။ မြို့ထဲကို ပစ်တာ၊ အိမ်မှာနေတဲ့ အမျိုးသမီး ၁ ဦး သေသွားပါတယ်။ ဘုန်းကြီးကျောင်းဆိုလည်း အကုန်ပျက်စီးသွားပါတယ်။ ခေါင်းမိုး ဘာမှမကျန်ဘူး။ ကျောင်းထဲမှာလည်း ပစ္စည်းတွေ အများကြီးပျက်စီးသွားပါတယ်” ဟုပြောသည်။
ထို့အပြင် ယနေ့ ဇွန်လ ၉ ရက်နေ့ နံနက် ၅ နာရီခန့်တွင်မောင်တောမြို့နယ် ကိုင်းကြီး ( မြို) ရွာသို့ စစ်ကောင်စီက ဂျက်ဖိုက်တာဖြင့် ဗုံးကြဲတိုက်ခိုက်ခဲ့သောကြောင့် ကျောင်းထိုင် ဆရာတော်တစ်ပါးနှင့် ကလေး ၂ ဦးဒဏ်ရာရရှိသွားပြီး နွားတစ်ကောင်သေဆုံးသွားခဲ့ကြောင်း AB News က စုံစမ်းသိရှိရသည်။
ကိုင်းကြီး (မြို )ရွာတွင် သီတင်းသုံးနေထိုင်လျက်ရှိသည့် ဝါတော် ၂၂ ဝါ သက်တော် ၄၃နှစ် ကျောင်းထိုင်ဆရာတော် ဘဒ္ဒန္တအဂ္ဂဝန ( ဦးခေါင်းပွန်းပဲ့ဒဏ်ရာ) 
အဖ ဦးရင်ရိုင်း၏သမီး အသက် ၉ နှစ်အရွယ် မရီသူမ (ဘယ်ဘက်လက်ပွန်းပဲ့ဒဏ်ရာ) 
သေဆုံးသွားသည့် ဦးရိန်မာန်ပိုင်ဆိုင်သည့် ၃ နှစ်သား နွားထီး 
အဖ ဦးယိုင်မောင်သိန်း၏သား အသက် ၁၂ နှစ်အရွယ် ကိုကိုမောင် ( ဘယ်ဘက်လက်ဒဏ်ရာ) 
ကိုင်းကြီး (မြို)ရွာရှိ ဘုန်းတော်ကြီးကျောင်း (သာသနိကအဆောက်အဦး)
ထိခိုက်ဒဏ်ရာရရှိသွားသူများမှာ ကိုင်းကြီး (မြို )ရွာတွင် သီတင်းသုံးနေထိုင်လျက်ရှိသည့် ဝါတော် ၂၂ ဝါ သက်တော် ၄၃နှစ် ကျောင်းထိုင်ဆရာတော် ဘဒ္ဒန္တအဂ္ဂဝန ( ဦးခေါင်းပွန်းပဲ့ဒဏ်ရာ) အဖ ဦးရင်ရိုင်း၏သမီး အသက် ၉ နှစ်အရွယ် မရီသူမ (ဘယ်ဘက်လက်ပွန်းပဲ့ဒဏ်ရာ) အဖ ဦးယိုင်မောင်သိန်း၏သား အသက် ၁၂ နှစ်အရွယ် ကိုကိုမောင် ( ဘယ်ဘက်လက်ဒဏ်ရာ) တို့ဖြစ်ပြီး ဦးရိန်မာန်ပိုင်ဆိုင်သည့် ၃ နှစ်သား နွားထီးတစ်ကောင်လည်း ပွဲချင်းပြီး သေဆုံးသွားခဲ့သည်။
စစ်ကောင်စီသည် စစ်ဖက် အရပ်ဖက် ခွဲခြား သတ်မှတ်ခြင်းမပြုဘဲ လူနေရပ်ရွာများ၊ သာသနိက အဆောက်အဦးများ၊ ဆေးရုံ ဆေးခန်းများနှင့် စစ်ဘေးရှောင် လူစုလူဝေးရှိရာ နေရာများသို့ တမင် ရည်ရွယ်ချက် ရှိရှိ လေကြောင်း၊ လက်နက်ကြီးများဖြင့် ပစ်ခတ်တိုက်ခိုက်လျက် စစ်ရာဇဝတ်မှုများကို ဗြောင်ကျကျ ချိုးဖောက်လျက်ရှိသည်။