AB New – မတ်လ ၂၉၊ ၂၀၂၄
ရက္ခိုင်ပြည်၊ မင်းပြားမြို့နယ် သေကံကျေးရွာကို အကြမ်းဖက်စစ်ကောင်စီက ဂျက်ဖိုက်တာဖြင့် ဗုံးကြဲတိုက်ခိုက်သောကြောင့် ရွာ မီးလောင်နေကြောင်း ရွာသားတစ်ဦးက AB News သို့ သတင်းပေးပို့သည်။
အကြမ်းဖက် စစ်ကောင်စီသည် ယနေ့ မတ်လ ၂၉ ရက်၊ ည ၁၁ နာရီတွင် မင်းပြား သေကံရွာသို့ ဂျက်ဖိုက်တာဖြင့် ဗုံး ၃ လုံးကြဲချခဲ့ရာ ရွာ မီးလောင်နေကြောင်း ဒေသခံတစ်ဦးက ပြောသည်။
“ည ၁၁ နာရီလောက်မှာပါ၊ ဗုံး ၃ လုံး ကြဲချသွားတယ်။ အခု မီးလောင်နေပါတယ်၊ လူအသေ အပျောက်တွေတော့ မသိရသေးဘူး” ဟု ဆိုသည်။
သေကံရွာသို့ စစ်ကောင်စီက ဂျက်ဖိုက်တာဖြင့် ဗုံးကြဲတိုက်ခိုက်သည်မှာ ၄ ကြိမ်မြောက်ရှိလာပြီ ဖြစ်ကြောင်း သိရသည်။
လက်ရှိတွင် လူထိခိုက်သေဆုံးမှု၊ ပျက်စီးမှုများကို AB News က ဆက်လက်စုံစမ်းနေဆဲ ဖြစ်သည်။
Website
www.arakanbaynews.com
Facebook
https://www.facebook.com/arakanbaynewsinfo?mibextid=ZbWKwL