ရခိုင်ပြည်တွင် စစ်ကောင်စီမှပိတ်ဆို့ထားသော ရသေ့တောင်မြို့နယ် အငူမော်မှ ဘူးသီးတောင်၊မောင်တော သို့သွားသည့် ကားလမ်းများကို ယနေ့ ဒီဇင်ဘာ ၄ရက် နံနက် ၇နာရီကျော်ခန့်က ပြန်ဖွင့်ပေးကြောင်းသိသည်။
ထိုလမ်းမှာ စစ်တွေမှာ ဘူးသီးတောင်၊ မောင်တော၊ ရသေ့တောင်ဖက်သို့ သွားသည့် အဓိက ကုန်းလမ်းကြောင်းဖြစ်သည်။
ယင်းတွင် စစ်ကောင်စီနှင့်ရက္ခိုင့်တပ်တော်တို့ နိုဝင်ဘာ ၂၆နေ့ရက်က လူသားချင်းစာနာထောက်ထားမူဆိုင်ရာယာယီအပစ်ခတ်ရပ်စဲပြီးနောက် စစ်ကောင်စီဖက်က အငူမော်မှ ဘူးသီးတောင်၊ မောင်တောသို့သွားရာ ကားလမ်းကို နိုဝင်ဘာ ၂၈ ရက်နေ့ကဖွင့်ပေးခဲ့သော်လည်း နှစ်ရက်အကြာတွင် ပြန်လည်းပိတ်ထားခဲ့သည်။
“ဟုတ်ပါတယ် သူတို့က လမ်းများကို နိုဝင်ဘာ ၂၈နေ့ကဖွင့်ပေးခဲ့ပါတယ်၊သို့ပေမဲ့ နိုဝင်ဘာ ၃၀မှာ ပြန်ပိတ်ထားခဲ့ပါတယ်၊ပြီးတော့မှ ဒီနေ့ ဒီဇင်ဘာ ၄ ရက် နံနက် ၇နာရီလောကျမှာ ပြန်ဖွင့်ပေးထာပါ” ဟုပြောသည်။
နောက်ထပ် စစ်ကောင်စီမှ ၄လအကြာပိတ်ထားသော ကျောက်တော်-ပလက်ဝသို့သွားရာ ရေကြောင်း လမ်းကို ယမန်နေ့ကဖွင့်ပေးခဲ့ပြီး ပုဏ္ဏားကျွန်း-စစ်တွေကြား အဝေးပြေးလမ်းနှင့် စစ်တွေ ရေချမ်းပြင်- အငူမော် ရေကြောင်းလမ်းကိုလည်း ယမန်နေ့ ဒီဇင်ဘာ ၃ရက်နေ့ကပြန်လည်းဖွင့်ပေးခဲ့ကြောင်းသိရသည်။
