ABN -ရာဟု
ရခိုင်ပြည် ပုဏ္ဏားကျွန်းမြို့နယ်ရှိ ရေဖြူကန် စစ်ဘေးရှောင်စခန်းကို အာဏာသိမ်းစစ်ကောင်စီ ဖြိုဖျက်နေသည်ဟု သိရသည်။
ပုဏ္ဏားကျွန်းမြို့ အထွေထွေအုပ်ချုပ်ရေးဌာန၊ EPCရုံးဌာနနှင့် ရဲတပ်ဖွဲ့တို့ ပူးပေါင်းကာ ယနေ့ မတ်လ ၈ ရက်နေ့ နေ့လည် ၁နာရီ ၃၀မိနစ်ခန့်ကစပြီး ရေဖြူကန် စစ်ဘေးရှောင်စခန်းကို လာရောက်ဖြိုဖျက်နေကြသည်ကိုတွေ့ရသည်။
“ထွေအုပ်၊မီးရုံရယ် ရဲတွေပါတယ် ။သူတို့စုပေါင်းပြီး စစ်ဘေးရှောင်စခန်းကိုဖြိုနေကြတာကို တွေ့ပါတယ်”ဟု အမည်မဖော်လိုသူ မျက်မြင် သက်သေ က ABNကို ပြောသည်။
ရေဖြူကန် စစ်ဘေးရှောင်စခန်းရှိ စစ်ဘေးရှောင်များကို ပုဏ္ဏားကျွန်းတပ်မ ၅၀၅မှ မတ်လ၃ရက်နေ့က တစ်အိမ်ထောင်ကို ငွေ ၆သိန်းပေးကာ အတင်း အဓမ္မ နေရပ်ပြန်ခိုင်းခဲ့ခြင်းဖြစ်သည်။
