ABN-ထက်မြတ်ခင်
ဩဂုတ် ၈ရက်
ရခိုင်ပြည် မြောက်ဦးမြို့နယ် အထက်လေညှင်းတောင်ကျေးရွာတွင် ဩဂုတ်လ ၇ရက်နေ့က မိုးရေနစ်မြုပ်မှုကြောင်း နွားအကောင်ရေ ၃၀ခန့် ရေနစ်မြုပ်မျောပါသွားသည်ဟုသိရသည်။
အထက်လေညှင်းတောင်၊ အောက်လေညှင်းတောင်နှင့် ဂုန်းကျွန်းစသည့်ကျေးရွာများတွင် ရေများနစ်မြုပ်နေသည်ဟုသိရသည်။
မြောက်ဦးမြို့နယ်တွင် ရေလျော့သွားခြင်းမရှိဘဲ ယနေ့ ဩဂုတ်လ ၈နေ့တွင် ရေထပ်တိုးလာသဖြင့် ဒေသခံများ ရေဘေးရှောင်နေကြရသည်ဟုသိရသည်။
ထို့အပြင် ကျောက်တော် ၊ မင်းပြားစသည့် မြို့တို့တွင်လည်း ရေများထပ်တိုးလာသည်ဟုသိရသည်။
လက်ရှိ သတင်းရေးနေသည့် နေ့ခင်း ၁၂ နာရီ ၄၄ မိနစ်တွင်လည်း ရခိုင်တပြည်လုံးအတိုင်းအတာဖြင့် မိုးအဆက်မပြတ် ရွာသွန်းလျက်ရှိနေသည်။