၂၅ ရက်နေ့နှင့် ၂၆ ရက်နေ့တွင် စစ်ကောင်စီတပ်က ကြည်း၊ရေ၊လေ အသုံးပြု၍ ပစ်ခတ်မှုကြောင့် ပြည်သူ ၁၃ ဦး ထက်မနည်း ထိခိုက်ဒဏ်ရာရရှိပြီး၊ ၄ ဦး သေဆုံးသည့်အပြင် နေအိမ်များစွာ ထိခိုက်ပျက်စီးခဲ့သည်။
၂၅ ရက်နေ့တွင် စစ်ကောင်စီ နေဗီမှ လက်နက်ကြီး ပစ်ခတ်မှုကြောင့် မင်းပြားမြို့နယ်တွင် ပြည်သူ ၁ ဦး သေဆုံးပြီး၊ ၃ ဦး ဒဏ်ရာရရှိခဲ့သည်။
၂၆ ရက်နေ့ မောင်တောမြို့နယ်တွင် စစ်ကောင်စီတပ်က ပစ်ခတ်သည့် လက်နက်ကြီး ကျရောက် ပေါက်ကွဲမှုကြောင့် အမျိုးသား တဦးနှင့် အမျိုးသမီး တဦး ထိခိုက်ဒဏ်ရာ ရရှိခဲ့သည်။
၎င်းနေ့တွင်ပင် စစ်ကောင်စီတပ်က လေကြောင်းကနေ အကြိမ် ၃၀ ထက်မနည်း ဗုံးကြဲ၊ ပစ်ခတ်မှုကြောင့် ပြည်သူပိုင်အဆောက်အအုံများစွာ ပျက်စီးခဲ့ကာ နေအိမ်များစွာလည်း ပျက်စီးဆုံးရှုံးခဲ့ရသည်။ ဘူးသီးတောင်မြို့နယ်တွင်လည်း အပြစ်မဲ့ပြည်သူ ၃ ဦး အသတ်ခံခဲ့ရပြီး ၈ ဦးထက်မနည်း ထိခိုက်ဒဏ်ရာ ရရှိခဲ့သည်။
ယခုကဲ့သို့ စစ်ရာဇဝတ်မှုမြောက်များစွာကို ကျူးလွန်နေသည့် စစ်ကောင်စီတပ်စခန်းများကို အပြီးသတ် သိမ်းပိုက်သွားမည်ဟု ရက္ခိုင့်တပ်တော် AA က ပြောဆိုထားပါတယ်။
ABN Website:
https://www.arakanbaynews.com