AB News – နိုဝင်ဘာ ၁၅၊ ၂၀၂၃
ရက္ခိုင်ပြည်၊ မောင်တောမြို့နယ်၊ စစ်ကောင်စီ အင်းဒင်စခန်းမှ အင်းဒင်ရွာထဲသို့ လက်နက်ကြီးလှမ်းပစ်မည်ဟု စစ်ကောင်စီဗိုလ်မှူးအဆင့်ကပြောဆိုသည့်အတွက် ရွာသူ/သားများအားလုံး ထွက်ပြေးနေကြရကြောင်း AB News က ထောက်လှမ်းသိရှိရသည်။
အင်းဒင်ရွာသားများသည် ရက္ခိုင့်တပ်တော်တပ်ဖွဲ့ဝင်များအား ထမင်းချက်ကျွေးသည်ဟု စွပ်စွဲကာ လက်နက်ကြီးဖြင့်ပစ်မည်ဖြစ်ကြောင်း ဒေသခံတစ်ဦးက AB News သို့ ပြောသည်။
” ကျနော်တို့တွေက AA ကိုထမင်းချက်ကျွေးနေတယ် လို့ ဗိုလ်မှူးကပြောပါတယ်၊ ခင်ဗျားတို့ရွာကထွက်သွားရမယ်၊ လက်နက်ကြီးနဲ့ပစ်မယ်လို့ ပြောပါတယ် “ဟု ဆိုသည်။
ယနေ့အင်းဒင်ရွာသို့ လက်နက်ကြီးပစ်မည်ဟုစကစတပ်မှ ပြောဆိုသည့်အတွက် ရွာသားများထွက်ပြေးနေရကြောင်း သိရသည်။
အသက် ၆ အရွယ် ကလေးငယ်များသည်နေပူဒဏ်မခံနိုင်သည့်အတွက် ငိုနေကြကြောင်း စုံစမ်းသိရှိရသည်။
လက်ရှိတွင် အင်းဒင်စခန်းမှ လက်နက်ကြီးပစ်၊ မပစ်ကို ပြည်သူများစောင့်ကြည့်လျက်ရှိကြောင်း ဒေသခံများကပြောသည်။
ယမန်နေ့ည ၉ နာရီကျော်ကလည်း ၎င်းစခန်းမှ လက်နက်ကြီး ၄ ချက်ပစ်ခတ်ခဲ့ကြောင်း သိရသည်။
ပစ်ခတ်မှု၊ ရှိမရှိကို AB News က ဆက်လက်စုံစမ်းနေဆဲဖြစ်သည်။
စစ်ကောင်စီ၏ ဝါဒဖြင့် Telegram ချန်နယ်များတွင်လည်း အင်းဒင်ရွာကို လက်နက်ကြီးဖြင့် ပစ်မည်ဟု ရေးသားထားသည်ကို တွေ့ရသည်။
ယမန်နေ့ညက မြို့နယ်လေးခုမှ လက်နက်ကြီးပစ်ခတ်ခဲ့သော ကျောက်တော်မြို့နယ်မှ ကန်ဇောက်တောင်တပ်ရင်း၊ စစ်တွေမြို့နယ်မှ ပါတလိတ်နှင့် အမြင့်ကျွန်းတပ်ရင်း၊ မင်းပြားမြို့မှ ကျိန်းတောင်နှင့် တန်းတောင်မြောင်တပ်ရင်၊ အမ်းမြို့နယ်မှ ကဇုကိုင်း ဗျူဟာကုန်းတို့ဖြစ်ကြသည်။