ABN – ကိုဟိန်းထွန်း
ရခိုင်ပြည်၊ မင်းပြားမြို့နယ်၊ နရမ်းနှင့် ဖလောင်းပြင်ကားဂိတ်အနီးတွင် ကုန်တင်ကား ၁ စီး နေ့လည် ၃ နာရီခန့်က မြောင်းထဲသို့ထိုးကျသွားကြောင်းသိရသည်။
၎င်းကားမှာ မြောက်ဦးမြို့မှ မင်းပြားမြို့သို့လာသည့်လမ်းတွင် မိုးအနည်းငယ်ရွာသွန်းသဖြင့် ဘရိတ်အုတ်၍ မမိလိုက်သည့်အတွက် မြောင်းထဲသို့ ထိုးကျသွားကြောင်း ဒေသခံ ၁ ဦးက ABN သို့ဖုန်းဆက်ပြောဆိုသည်။
“ကုန်တင်ကားက မြောက်ဦးဖက်က မင်းပြားကိုလာတယ်၊ မိုးနည်းနည်းရွာတယ်၊ ကားမောင်းတဲ့သူက ဘရိတ်အုပ်တယ်၊ မမိလိုက်ဘူး၊ ချော်ပြီး မြောင်းထဲကို ထိုးကျသွားတယ်” ဟု ဆိုသည်။
လူထိခိုက်ဒဏ်ရာရရှိမှု မရှိကြောင်း သိရသည်။
လက်ရှိအချိန်တွင် ၎င်းကားကို ရပ်နားထားပြီး နရမ်းနှင့် ဖလောင်းပြင်ကားဂိတ်အနီးမှ ကရိန်းငှား၍ ဆွဲတင်သွားမည်ဟု သိရသည်။