ရခိုင်ပြည်နယ် ဘူးသီးတောင်မြို့နယ်မှ မူဆလင်တစ်ဦးအား နိုဝင်ဘာလ၁၀ရက်နေ့တွင် စစ်ကောင်စီတပ်မှဖမ်းဆီးသွားကြောင်းသိရသည်။
ဖမ်းဆီးခံရသူမှာ ရခိုင်ပြည်နယ်၊ ဘူးသီးတောင်မြို့နယ် မီးကျောင်းဂေါင်းစွဲအုပ်စု မောင်လှမရွာမှအဖ ဦးဒေလီမူဟာမတ်၏သား ဟာနီဖာ အသက်၃၅ နှစ်ဖြစ်သည်။
ပြီးခဲ့သည့်နိုဝင်ဘာ၁၀ရက်နေ့ ၈နာရီ ၃၀မိနစ်တွင် ဘူးသီးတောင်မြို့သို့ သွားစဉ် မြို့အဝင်ဝ တံတားရှိ စစ်ကောင်စီစစ်ဆေးရေးဂိတ်၌ ဖမ်းဆီးထိန်းသိမ်းခြင်းခံရပြီး ဘူးသီးတောင်အခြေစိုက် စစ်ဗျုဟာသို့ယူသွားကြောင်းသိရသည်။
နိုဝင်ဘာလ၁၀ရက် နေ့လည်၁နာရီ၁၀မိနစ်အချိန်တွင်လည်းရခိုင်ပြည်ဘူးသီးတောင််မြို့ကမ်းနားလမ်းရှိ ညီဘုချေအရက်ဆိုင်မှ စကစဝန်ထမ်းများပါဝင်သည့် ပြည်သူ ၈ဦးအား စစ်ကောင်စီမှဖမ်းဆီးသွားကြောင်းလည်းသိရသည်။
စစ်ကောင်စီတပ်ဖွဲ့သည် ရခိုင်ပြည်အနှံ့တွင် အရပ်သားပြည်သူများအား ဖမ်းဆီးမှုများ ဆက်တိုက် ပြုလုပ်လျက်ရှိနေပြီး၊ ဘူးသီးတောင်၊ မောင်တော၊ ရသေ့တောင် မြို့နယ်များဖက်သို့ ကုန်းလမ်းရေလမ်း ဖြတ်တောက်ထားလျက်ရှိသည်။
