AB News-ဇန်နဝါရီ ၄၊ ၂၀၂၄
ပလက်ဝဒေသရှိ စစ်ကောင်စီ၏ ချင်းလက်ဝစခန်းကုန်းအား အပြီးတိုင် တိုက်ခိုက်ချေမှုန်းပြီး သိမ်းပိုက်ရရှိပြီဖြစ်ကြောင်း ဇန်နဝါရီ ၃ ရက်နေ့ ည ၁၁ နာရီခွဲခန့်တွင် ထုတ်ပြန်လိုက်သည်။
ချင်းလက်ဝစခန်းကုန်း တိုက်ပွဲအတွင်း ရန်သူ့အလောင်းများ၊ လက်နက်ခဲယမ်းများနှင့် စစ်အသုံးအဆောင်ပစ္စည်းအမြောက်အများတို့ကိုလည်း သိမ်းပိုက်ရရှိခဲ့ကြောင်း ဆိုထားသည်။
၎င်းစခန်းကို ၂၀၂၄ ခုနှစ် ဇန်နဝါရီလ ၁ ရက်နေ့က စတင်တိုက်ခိုက်ခဲ့ခြင်းဖြစ်ပြီး ၃ ရက်ကြာ တိုက်ခိုက်ခဲ့ရကြောင်း AA ဆိုသည်။
ထို့အပြင် ခမောင်းဝစခန်းကုန်းအားလည်း ပြီးခဲ့သည့် ဇန်နဝါရီ ၂ ရက်နေ့က တိုက်ခိုက်သိမ်းပိုက်ရရှိခဲ့ကြောင်း ထုတ်ပြန်ခဲ့သည်။
နောက်ထပ်လည်း “ပလက်ဝ ပတ်ဝန်းကျင်၌ စစ်ကောင်စီ၏ ဖော်ပြပါစခန်းများဖြစ်ကြသော
(က) ခလရ- ၂၃၃
(ခ) ခမရ- ၃၇၄
(ဂ) ခမရ- ၃၇၆
(ဃ) ခမရ- ၃၀၈
(င) ခမရ- ၂၁၁
(စ) ခမရ- ၂၁၇
(ဆ) ခလရ- ၂၈၉
(ဇ) ခမရ- ၂၂၀ တို့ကိုလည်း နှစ်ဆန်းရက်၊ ဇန်နဝါရီလ (၁) ရက်နေ့မှ ချဉ်းကပ်ပြီး ထိုးစစ်ဆင်တိုက်ခိုက်လျက်ရှိသည်။” ဟုညီနောင်မဟာမိတ် ၃ ဖွဲ့၏ ထုတ်ပြန်ချက်တွင်ဖော်ပြထားသည်။
ဓာတ်ပုံ-ချင်းလက်စခန်းကုန်းမှ AA သိမ်းပိုက်ရရှိသည့် လက်နက်ခဲယမ်းနှင့်စစ်အသုံးအဆောင်များ