AB News – နိုဝင်ဘာ ၂၄၊ ၂၀၂၃
ချင်းပြည်၊ ပလဝမြို့နယ်တွင် ရက္ခိုင့်တပ်တော် AA နှင့် စစ်ကောင််စီတို့ ၂ ဖက်တိုက်ပွဲ ပြင်းထန်နေပြီး စကစ ဖက်မှ ဂျက်တိုက်လေယာဥ်ဖြင့် ဗုံးကြဲနေကြောင်း AB News ကစုံစမ်းသိရှိရသည်။
တရွန်အိုင်ဗျူးဟာကုန်းနှင့် နှုံးဘူးဗျူဟာကုန်းတို့အား ရက္ခိုင့်တပ်တော်က နိုဝင်ဘာလ ၁၄ ရက်နေ့က စတင် ထိုးစစ်ဆင်တိုက်ခိုက်ခဲ့ခြင်းဖြစ်သည်။
တရွန်အိုင်ဗျူးဟာကုန်းအနီး နှင့် နှုံးဘူးဗျူဟာကုန်းအနီး စစ်ကောင်စီမှ ဗုံးကြဲတိုက်ခိုက်နေကြောင်း ဒေသခံတစ်ဦးက AB News သို့ပြောသည်။
” ကုန်း ၂ ခုကြားကို လေယာဥ်နဲ့ ဗုံးကြဲနေတယ်၊ လက်နက်ကြီးတွေလည်းပစ်နေတယ် ၊ ကျနော်တို့လည်း ပြေးနေရတယ် ဟု ဆိုသည်။
၎င်းရွာအနီးရှိဒေသခံပြည်သူများလည်း ထွက်ပြေးနေကြရပြီး စားဝတ်နေရေးအခက်အခဲလည်းရှိလာနေသည်ဟု ဒေသခံများကပြောသည်။
ရက္ခိုင်တွင် ရက္ခိုင့်တပ်တော် AA နှင့် စစ်ကောင်စီတို့သည် ၂ ဖက်တိုက်ပွဲ ပြင်းထန်နေသည်မှာ ၁၂ ရက်ကြာမြင့်လာပြီ ဖြစ်ပါသည်။
လက်ရှိတွင် AAဖက်မှ စစ်ကောင်စီ၏ စခန်း ၄ ခုအား သိမ်းထားပြီး စခန်း ၄၀ မှာ စခန်းစွန့်ခွာထွက်ပြေးသွား၍ သိမ်းပိတ်ထားသည်။
ထို့အပြင် စစ်ကောင်စီတပ်ဖွဲ့ဝင်များသည် လေကြောင်း နှင့် ရေကြောင်း တို့ကိုအသုံးပြုက ပြည်သူများသို့ ဦးတည်ပစ်ခတ်လျက်ရှိသည်။