AB News နိုဝင်ဘာ – ၁၈၊ ၂၀၂၃
အဖက်ဖက်မှ ထိုးနှက်တိုက်ခိုက်ခံနေရသည်သာမက စစ်သားအင်အားသေဆုံးမှုများပြားလာသော စစ်ကောင်စီတပ်သည် နိုငံတော်လုံခြုံရေးအရဟုဆိုပြီး တက္ကသိုလ် လေ့ကျင့်ရေးတပ် UTC စစ်သင်တန်းဆင်း ကျောင်း/သူကျောင်းသားများအား စကစမှ အပူတပြင်း ခေါ်ယူနေကြောင်း ထုတ်ပြန်ထားသည်။
စစ်ကောင်စီ UTC စစ်သင်တန်းဆင်း ကျောင်းသူ/သားများကို ခေါ်နေခြင်းမှာ မြောက်ပိုင်းမဟာမိတ်တိုက်ပွဲအတွင်း၌ စကစဖက်မှ ထိခိုက်သေဆုံးမှုများပြားခြင်း၊ PDF အဖွဲ့တို့၏ ဝိုင်းတိုက်ခြင်းကို ခံနေရခြင်းနှင့် စခန်းလက်လွှတ်ဆုံးရှူံးရခြင်းများကြောင့် ဖြစ်သည်။
ထုတ်ပြန်ချက်တွင် နိုင်ငံတော်လုံခြုံရေးအခြေအနေအရ တက္ကသိုလ်၊ ဒီဂရီကောလိပ်၊ ကောလိပ်များတွင် ဖွဲ့စည်းခဲ့သော တက္ကသိုလ်လေ့ကျင့်ရေးတပ်(UTC)များ၌ စစ်သင်တန်းတက်ရောက်ဖူးသည့် ကျောင်းသား/သူများ၏ အချက်အလက်များကို ကာကွယ်ရေးဦးစီးချုပ်ရုံး(ကြည်း)၊ တပ်မတော်လေ့ကျင့်ရေးအရာရှိချုပ်ရုံးသို့ ၂၀၂၃ ခုနှစ်၊ ဒီဇင်ဘာလ(၁၇)ရက်နေ့ နောက်ဆုံးထားပေးပို့ရန် ရည်ညွှန်း(၂)ပါစာဖြင့် အကြောင်းကြားထားကြောင်း ဆိုသည်။
တက္ကသိုလ်၊ ဒီဂရီကောလိပ်၊ ကောလိပ်များရှိ တက္ကသိုလ်လေ့ကျင့်ရေးတပ်များ၌ စစ်သင်တန်းတက်ရောက်ဖူးသည့် ကျောင်းသား/သူများ၏ အချက်အလက်များအား နေပြည်တော်ရုံးချုပ်သို့ ပို့ပေးရမည်ဖြစ်ကြောင်း တွေ့ရသည်။
ယခုလိုခေါ်ယူမှုသည် စကစတပ်ဖွဲ့ဝင်များနည်းပါးလာခြင်း၊ အမျိုးသမီးများသာ ဦးဆောင်နေရခြင်းဖြစ်သည့်အပြင် တပ်ပြေးမှုများ ၊ စစ်မတိုက်လို၍ အလင်းဝင်ရောက်သည့် သူများပြားလာသည့်အတွက်ဖြစ်နိုင်ကြောင်း နိုင်ကြောင်း စစ်ရေးလေ့လာသူများကဆိုသည်။