စစ်တွေ-ပုဏ္ဏားကျွန်း အဝေးပြေးလမ်းမတွင် စစ်ရေး တင်းမာနေမှုကို အကြောင်းပြပြီး စစ်ကောင်စီတပ်မှ အဝေးပြေးလမ်းမကို ယနေ့ မနက် ၉ နာရီကျော်အချိန်ထိ ပိတ်ထားဆဲ ဖြစ်ကြောင်း စုံစမ်းသိရှိရသည်။
ထိုလမ်းမှာ စစ်ကောင်စီတပ်မှ နိုဝင်ဘာ ၁၀ ရက်နေ့ မနက်ကတည်းက စပြီး စစ်တွေမြို့ အဝင် အထွက် ဂိတ်မှ ပိတ်ထားခဲ့ခြင်းဖြစ်ပြီး ယနေ့ နိုဝင်ဘာ ၁၂ ရက် မနက်ပိုင်းအထိ ပိတ်ထားဆဲ ဖြစ်သည်။
ထိုသို့ ကားလမ်းကို ပိတ်ထားခြင်းကြောင့် စစ်တွေ-ပုဏ္ဏားကျွန်းလမ်းတွင် ကားအစီးရေ ရာချီ ပိတ်မိလျက်ရှိနေသည်။
စစ်တွေမြို့တွင်လည်း စားသောက်ကုန်ပစ္စည်းများ ပြတ်လပ်ကာ ကုန်ဈေးနှုန်း တဟုန်ထိုး ထိုးတက်လျက်ရှိကြောင်း စစ်တွေမြို့ခံ တစ်ဦးက ABN ကိုပြောသည်။