ABN-ရှိုင်းမိုး
ဇူလိုင် ၁၁ရက်
ရခိုင်ပြည် စစ်တွေမြို့ ဘောလုံးကွင်းရပ်ကွက်တွင် ယနေ့ နံနက် ၉နာရီကျော်လောက်က ရေထဲ၌ အမည်မသိသေးသော အမျိုးသား အလောင်းတစ်လောင်းတွေ့ရှိသည်ဟုသိရသည်။
ထိုအလောင်းကို ရေထဲတွင်တွေ့ရှိပြီး အလောင်းမှာ ၆ရက်နီးပါးကြာမြင့်နေပုံရသည်ဟု ရပ်ကွက်အုပ်ချုပ်ရေးမှူးဟောင်း ဦးစောမောင်ဦးက ပြောသည်။
“အလောင်းက ရေထဲမှာ ၆ရက်နီးပါးကြာနေပုံပါ၊ ဘယ်သူလဲဆိုတာမသိပါဘူး၊ အခုတော့ ရွှေရောင်မေတ္တာဖောင်ဒေးရှင်းက စစ်တွေဆေးရုံးကြီးသို့ ယူသွားကြပါတယ်” ဟု၎င်းက
ပြော သည်။
ထိုရေထဲ၌ တွေ့ရှိသောသူမှာ အသက် ၃၀ ကျော်အရွယ်ဟုခန့်မှန်းပြီး မည်သူမည်ဝါဖြစ်ကြောင်းမသိရသေးဟု ၎င်းအုပ်ချူပ်ရေးမှူးဟောင်းကဆက်ပြောသည်။
လက်ရှိတွင် ထိုအလောင်းကို စစ်တွေရင်ခွဲရုံသို့ ရွှေရောင်မေတ္တာဖောင်ဒေးရှင်းက ပို့ဆောင်လိုက်ကြောင်းသိရသည်။
စစ်တွေတွင် ဇူလိုင်လ ၂ရက်နေ့က ALP မှ အဖွဲ့ဝင် ၃ဦးပစ်သတ်ခံရပြီးနောက်ပိုင်း စစ်တွေတွင် လူငယ်များပျောက်ဆုံးနေသည်ဟုသိရသည်။