ABN-ဇူလိုင် ၃၁ ရက်
ရခိုင်ပြည် စစ်တွေမြို့တွင် ဖျော်ဖြေရေး White House (အိမ်ဖြူတော်) ဟု လူသိများကြသည့် စားသောက်ဆိုင်နှင့် ကာရာအိုကေဆိုင်ကို ပြီးခဲ့သည့် ဇူလိုင် ၃၀ရက် ည ၁၂ နာရီခန့်တွင် စစ်ကောင်စီတပ်က ဝင်ရောက်စီးနင်းပြီး ဝန်ထမ်းများနှင့် ဧည့်သည်များကိုပါ ဖမ်းဆီးသွားကြောင်း ကနဦးစုံစမ်းသိရှိရသည်။
KTV ဝန်ထမ်းများနှင့် ဧည့်သည် စုစုပေါင်း ၅၀ ဦးခန့်ကို စစ်ကောင်စီတပ်က ဖမ်းဆီးသွားကြောင်း သိရသည်။
White House မှာ အနောက်စံပြရပ်ကွက် မြင်းစီးပြင်လမ်းတွင်ရှိပြီး ပိုင်ရှင်မှာ ဦးသိန်းရွှေ ဖြစ်ကြောင်း သိရသည်။
White House ၏ ပိုင်ရှင် ဦးသိန်းရွှေမှာ စစ်ကောင်စီတပ်အရာရှိကြီးနှင့် ရင်းနီးကျွမ်းဝင်သူတစ်ဦးဖြစ်ပြီး ငွေးကြေးချမ်းသာသူ တစ်ဦးဖြစ်သည်။
White House KTV ကို အနောက်ပိုင်းတိုင်း တိုင်းမှူးကိုယ်တိုင် ဝင်ရောက်စီးနင်းဖမ်းဆီးခဲ့ခြင်းဖြစ်သည်ဟု စုံစမ်းသိရှိရသော်လည်း မည်သည့်အကြောင်းကြောင့် ဟူသည်ကိုမူ စုံစမ်းနေဆဲဖြစ်သည်။
အကြောင်းစုံသိရှိနိုင်ရန် နယ်လုံ ဦးကျော်သူရအား ဖုန်းဆက်သွယ်ခဲ့သော်လည်း ဖုန်းလက်ခံ ဖြေဆိုခြင်းမရှိပါ။