ABN-ရှိုင်းမိုး
ဇွန် ၁၁ရက်
ရခိုင်ပြည် စစ်တွေမြို့တွင် ပရဟိတလုပ်နေသည့် လျှပ်စစ်ဝန်ထမ်းတစ်ဦး ဓာတ်လိုက်၍သေဆုံးခဲ့သည်ဟု ရွှေရောင်မေတ္တာဖောင်ဒေးရှင်းအဖွဲ့ခေါင်းဆောင် ဦးမင်းထေဝါထံမှ သိရသည်။
ယမန်နေ့ ညနေပိုင်းအချိန်တွင် စစ်တွေမြို့ ဓမ္မသုခကျောင်းတိုက် အနီးရှိ နေအိမ်တစ်အိမ်တွင် မီးရရှိရန်အတွက် ပြုလုပ်ပေးနေစဥ် ထရန်စဖာတွင် ဓာတ်လိုက်၍ သေဆုံးခဲ့သည်ဟုသိရသည်။
သေဆုံးသွားသော သူသည် ဧရာဝတီတိုင်း၊ ပန်းတနော်မြို့နယ်မှ အသက် ၂၅နှစ်အရွယ်ဖြစ်သည်။
” မနေ့ညကပါ၊ ဓမ္မသုခကျောင်းအနီးက အိမ်တစ်အိမ်ကိုမီးလာလုပ်တာပါ၊ သူက ရခိုင်သားမဟုတ်ပါဘူး၊ ဧရာဝတီတိုင်းကပါ၊ မီးပြုပြင်ဖို့လာတဲ့အဖွဲ့မှာပါလာတာပါ” ဟု ဓမ္မသုခကျောင်းတိုက်ဆရာတော်က ပြောသည်။
စစ်တွေနှင့် ပုဏ္ဏားကျွန်းမြို့တို့တွင် လျှပ်စစ်မီးရရှိရေးအတွက် လျှပ်စစ်ဝန်ထမ်းများနေစဥ်မပြတ်လုပ်ဆောင်ပေးနေကြောင်း သိရသည်။