စစ်တွေတွင် စစ်ကောင်စီယာဥ်နှင့် တိုက်၍ အရပ်သားတစ်ဦးသေဆုံးသွားကြောင်းသိရသည်။
ယနေ့ ဇန်နဝါရီလ ၂ရက်နေ့ ၁၂နာရီ ၄၀ မိနစ်တွင် Wave Family KTV ရှေ့လမ်းမကြီးရှေ့၌ စစ်ကောင်စီစစ်ကားနှင့် ဆိုင်ကယ်စီးလာသည့် အရပ်သားတစ်ဦးတို့ တိုက်မိပြီး ဆိုင်ကယ်စီးလာသူမှာ နေရာ၌ပင်သေဆုံးသွားကြောင်းသိရသည်။
” ရေတပ်ကရိက္ခာတွေသယ်ယူနေတဲ့ စစ်ကားနှင့်တိုက်မိတာပါ၊ ဆိုင်ကယ်မောင်းသူက တခါတည်းသေသွားပါတယ်၊ အဲဒီကားထဲက စစ်သားတွေလည်းဆင်းကြည့်တာမတွေ့ပါဘူး” ဟုမျက်မြင်တစ်ဦးမှပြောသည်။
ထိုလူနာကို မေတ္တာရောင်ခြည်ဖောင်ဒေရှင်းမှ စစ်တွေပြည်သူဆေးရုံသို့ယူလာကြပြီး နောက်ပိုင်းတွင် ရဲတပ်သားများ ဆေးရုံသို့လိုက်ပါလာကြောင်းသိရသည်။
” သူတို့ ရင်ခွဲရုံထဲကို သွင်းလိုက်ပါပြီ၊ မိသားစုတွေလည်း လာပြီးဆက်သွယ်လာတာ မရှိသေးပါဘူး” ဟု မေတ္တာရောင်ခြည်ဖောင်ဒေးရှင်းမှ ကိုသူရကျော်မှပြောသည်။
သေဆုံးသွားသည့်သူ၏ နေရပ်လိပ်စာနှင့်မိသားစုဝင်များကို မေတ္တာရောင်ခြည်ဖောင်ဒေရှင်းမှစုံစမ်းနေကြောင်းသိရသည်။
