စစ်ကောင်စီတပ်သားများ ဖမ်းဆီးခေါ်ဆောင်သွားခဲ့သည့် ရခိုင်ပြည်၊ ဘူးသီးတောင်မြို့နယ်၊ သပိတ်တောင် (ရခိုင်ရွာ) မှ ရွာသား ၆ ဦးပြန်လွတ်လာကြောင်း သတင်းရရှိသည်။
၎င်းရွာသား ၆ ဦးကို ပြီးခဲ့သည့်လ စက်တင်ဘာ ၂၄ ရက်နေ့ ညနေ ၅ နာရီခန့်က ဖမ်းဆီးသွားခဲ့ခြင်းဖြစ်ပြီး ယနေ့ အောက်တိုဘာ ၁၄ ရက် နေ့လည် ၂ နာရီခွဲခန့်က ပြန်လည် လွတ်မြောက်လာခြင်းဖြစ်သည်။
ပြန်လည်လွတ်မြောက်လာသည့် ရွာသားများမှာမောင်ဖြူ(၃၅)နှစ်၊ ရွှေထွန်း(၃၈)နှစ်၊ ညွန့်ဝင်း(၃၅)နှစ်၊ သန်းထွန်းအောင်(၁၆)နှစ်၊ ထွန်းသာလှ(၂၄)နှစ်၊ မောင်မျိုးဝင်း(၃၇)နှစ်တို့ဖြစ်ကြသည်။
ထို စက်တက်ဘာ ၂၄ ရက်နေ့က ဘူးသီးတောင်ဗျူဟာ စစ်ကောင်စီတပ်ဖွဲ့ဝင်များသည် သပိတ်တောင် ကျေးရွာမှ နေအိမ်အချို့ကို မီးရှို့ဖျက်ဆီးခဲ့သည်။
ယခုရက်ပိုင်းအတွင်း စစ်ကောင်စီတပ်သည် ရခိုင်ပြည် စစ်တွေမြို့အပါအဝင် မြို့အများအပြားတွင် အရပ်သားများအား ညအချိန်တွင် အင်အားသုံး ဖမ်းဆီးလျက်ရှိသည်။
