ABN-ထက်မြတ်ခင်
ရခိုင်ပြည် ကျောက်ဖြူမြို့နယ် ဂုံးချိန်ရွာမှ ပျောက်နေသည့် စိတ်ဝေဒနာခံစားနေရသူ မိခင်နှင့်အတူ ကလေး ၂ဦးတို့သည် ၇ အကြာတွင် ပြန်လည်၍ နေအိမ်သို့ ရောက်လာကြကြောင်းပြောသည်။
၇ ရက်ကြာ ပျောက်နေခဲ့သည့် သူများမှာ မိခင်ဖြစ်သူ စိတ်ဝေဒနာရှင် မစုချေ အသက် ၂၇နှစ်၊ ၁တန်းကျောင်းသူ ဝင်းဝင်းကြည် အသက် ၇ နှစ်နှင့် အငယ်မချေ အသက် ၂ နှစ်တို့ဖြစ်ကြသည်။
၎င်းတို့သည် ဇန်နဝါရီလ ၁၃ရက်နေ့ ညနေခန့်က ဂုံးချိန်ရွာသို့ ရွာကားဖြင့် လိုက်ပါလာခဲ့ကြသည်ဟု မစုချေ၏ ညီမဖြစ်သူကပြောသည်။
“တစ်ရွာလုံးလည်း လိုက်ရှာကြာပါသေးတယ် မတွေ့ခဲ့ပါဘူး၊ သောကြာနေ့ကျမှ သူတို့ သုံးယောက် ရွာက ကားနဲ့လိုက်ကျတာပါ ဘယ်နေရာကလာတာလေးဆိုတာကိုတော့ မသိပါဘူး” ပြောသည်။
သူတို့ မိသားစုမှာ ဇန်နဝါရီလ ၇ နေ့ နံနက်ပိုင်းက ပျောက်ဆုံးသွားခဲ့ခြင်းဖြစ်ပြီး ဇန်နဝါရီလ ၁၃ရက်နေ့ကပြန်လည် ရောက်ရှိလာခဲ့ကြကြောင်း သိရသည်။
