ABN – ထက်မြတ်ခင်

ဇန်နဝါရီလ ၆ရက်နေ့က ရခိုင်ပြည် ကျောက်ဖြူမြို့နယ် ဂုံးချိန်ကျေးရွာမှ ပျောက်ဆုံးသွားခဲ့သည့် စိတ်ဝေဒနာ ခံစားနေရသူ မိခင် ၁ ဦးနှင့် ကလေးငယ် ၂ ဦးတို့အား ယနေ့ ဇန်နဝါရီလ ၁၂ ရက်နေ့အထိ ရှာမတွေ့သေးဟုသိရသည်။

ပျောက်ဆုံးသွားသူများမှာ ကျောက်ဖြူမြို့နယ် ဂုန်းချိန်ကျေးရွာမှ မိခင်ဖြစ်သူ စိတ်ဝေဒနာရှင် မစုချေ ၂၇ နှစ်၊ ၇နှစ်အရွယ် ၁တန်းကျောင်းသူ မဝင်းဝင်းကြည်နှင့် ၄နှစ်အရွယ် မအငယ်မချေတို့ဖြစ်သည်။

၎င်းတို့ ၃ ဦးအား မိသားစုဝင်များနှင့် ရွာသူရွာသားများ ကျောက်ဖြူမြို့နှင့် မြို့နယ်အနှံ တွင်လိုက်ရှာခဲ့ကြသော်လည်း မတွေ့သေးဟု မစုချေ၏ ညီမဖြစ်သူပြောကြားချက်အရသိရသည်။

“ဟုတ်ပါတယ် အိမ်မှာတော့အကုန်လုံးက သူတို့ဘယ်နေရာမှာ ဘယ်လိုများနေနေရပါမလဲလို့ စိတ်ပူနေကြပါတယ်၊ ရှာနေတာလည်းနေရာစုံနေပါပြီ မနေ့ကလည်း တစ်ရွာလုံးနီပါး ကား၊ ဘုတ်တွေနဲ့လိုက်ရှာခဲ့ကြပါသေးတယ် မတွေ့ခဲ့ပါ” ဟု ပြောသည်။

မစုချေနှင့် ကလေးနှစ်ဦးအား တွေ့ရှိပါက အောက်ပါဖုန်းနံပါတ်သို့ ဆက်သွယ်သတင်းပေးပို့နိုင်ပါသည်။

မစုချေညီမ ဖုန်း – ၀၉၂၅၀၇၆၃၉၂၃

ကျောက်ဖြူမြိုနယ် ဂုံးချိန်ရွာ