ABN-ထက်မြတ်ခင်
ကျောက်ဖြူမြို့နယ် ဂုန်းချိန်ကျေးရွာတွင် စိတ်ဝေဒနာခံစားနေရသည့် မိခင်တစ်ဦးနှင့်အတူ ၄နှစ်သားအရွယ်ကလေးတစ်ဦးနှင့်၇နှစ်အရွယ်ကလေး တစ်ဦးတို့ ၄ရက်ကြာပျောက်ဆုံးနေသည်ဟုသိရသည်။
ပျောက်ဆုံးနေသူများမှာ ကျောက်ဖြူမြို့နယ် ဂုန်းချိန်းကျေးရွာမှ ကလေးဦးမိခင် မ စုချေ အသက် ၂၇နှစ်၊ ၁ တန်းကျောင်းသူ မဝင်းဝင်းကြည် ၇နှစ်နှင့် မအငယ်မချေ ၄ နှစ်တို့ဖြစ်ကြောင်းသိရသည်။
မစုချေမှာစိတ်ဝေဒနာခံစားနေရသူဖြစ်ပြီး ပြီးခဲ့သည့် ဇန်နဝါရီ ၆ရက်နေ့ နံနက်အစောပိုင်းတွင် ကလေးနှစ်ဦးနှင့် အတူ ပျောက်ဆုံးသွားကြောင်း မစုချေ၏ညီမ ပြောကြားချက်အရသိရသည်။
“ပျောက်သွားတာကတော့ သောကြာနေ့ကပါ လူတွေကတော့ သူတို့မြင်လိုက်တဲ့နေရာတွေကို ပြောကြပါတယ်၊ အဲဒီနေရာတွေအားလုံးကို ရှာပြီးပါပြီ၊ အခုထိမတွေ့သေးပါဘူး” ဟု ပြောသည်။
မစုချေနှင့် ကလေးနှစ်ဦးအား တွေ့ရှိပါက အောက်ပါဖုန်းနံပါသို့ ဆက်သွယ်သတင်းပေးပို့နိုင်ပါသည်။
မစုချေညီမ ဖုန်း – ၀၉၂၅၀၇၆၃၉၂၃
ကျောက်ဖြူမြို့နယ် ဂုန်းချိန်ရွာ
