ကရင်ပြည်နယ်၊ ကြာအင်းဆိပ်ကြီးမြို့နယ်တွင် တိုက်ပွဲပြင်းထန်ပြီး စစ်ကောင်စီမှ လေကြောင်းဖြင့် အပြင်းအထန်းဗုံကြဲတိုက်ခိုက်နေသည်ဟုသိရသည်။
ကရင်ပြည်နယ်၊ ကြာအင်းဆိပ်ကြီးမြို့နယ် တောင်စွန်းကျေးရွာတွင် ခုရက်ပိုင်းအတွင်း စစ်ကောင်စီတပ်နှင့် KNLA ပူးပေါင်းတပ်ဖွဲ့တို့ တိုက်ပွဲပြင်းထန်နေသည်ဟု သိရသည်။
ဇန်နဝါရီ ၁ ရက်နေ့ကစပြီး ဝင်းရေးဒေသတွင် စစ်ကောင်စီတပ်က လေကြောင်းတိုက်ခိုက်မှုများ အပြင်းအထန် ပြုလုပ်နေသည့်အတွက်ကြောင့် တောင်စွန်း၊ အနန်းကွင်းနဲ့ ပတ်ဝန်းကျင်က ရွာသားများ ထွက်ပြေး တိမ်းရှောင်နေရကြောင်း သိရသည်။
စစ်ကောင်စီ၏ လေကြောင်း တိုက်ခိုက်မှုကြောင့် ဝင်းရေးဒေသတွင် နေအိမ်များ ပျက်စီးသွားသည့်အပြင် ကျေးရွာသား ၄ ဦး ထိခိုက်ဒဏ်ရာ ရရှိထားသည်ဟု သိရသည်။
စစ်ကောင်စီဘက်မှ ၂၀၂၃ ဇန်နဝါရီလ ၁ ရက်နေ့ကနေ ဒီဇင်ဘာ ၃၁ ရက်နေ့ထိ အပစ်အခတ်ရပ်စဲလိုက်သည်ဟု ကြေညာထားသော်လည်း ကရင်ပြည်နယ်တွင် လေကြောင်းတိုက်ခိုက်မှုများအဆက်မပြတ်ပြုလုပ်နေလျက်ရှိသည်။
