AB News-ဖေဖော်ဝါရီ ၁၉၊ ၂၀၂၄
ရက္ခိုင်ပြည် မြေပုံမြို့နယ် ကမ်းထောင်းကြီးမြို့တွင် ယမန်နေ့က မီးလောင်မှု ဖြစ်ပြီး လူနေအိမ် ၃၀ ခန့် မီးလောင်ပြာကျသွားကြောင်း သိရသည်။
မီးလောင်မှုမှာ ကမ်းထောင်းကြီးမြို့ ရွာသစ်ရပ်ကွက်တွင်ဖြစ်ပြီး ဖေဖော်ဝါရီ ၁၈ ရက်နေ့ နေ့လည် ၁ နာရီ ၁၀ မှ နေအိမ်များကို စတင်လောင်ကျွမ်းခဲ့ပြီး ညနေ ၃ နာရီဝန်းကျင်တွင် မီးငြိမ်းသတ်နိုင်ခဲ့သည်ဟု ဒေသခံ တစ်ဦးက AB News သို့ပြောသည်။
“မီးက ဘယ်အိမ်က စလောင်တာလဲ မသိဘူး။ လူတွေက ဈေးရောင်းသွားတဲ့သူကသွား အလုပ်သွားတဲ့သူက သွားနဲ့ဆိုတော့ လူသိတဲ့ခါ မီးက ငြိမ်းမရအောင် ကျွမ်းနေပြီ။ ညနေ ၃ နာရီလောက်မှာတော့ မီးငြိမ်းသွားပါတယ်” ဟုပြောသည်။
ရွာသစ်ရပ်ကွက် နေအိမ် ၂၈ အိမ် မီးလောင်ကျွမ်းသွားခဲ့ကြောင်း သိရပြီး မည်သည့်အကြောင်းကြောင့် မီးလောင်ကျွမ်းသွားခဲ့သည်ကိုမူ အတည်ပြုနိုင်ခြင်း မရှိသေးပေ။
Website
www.arakanbaynews.com
Facebook
https://www.facebook.com/arakanbaynewsinfo?mibextid=ZbWKwL