ABN-ကိုဟိန်းထွန်း
ဇွန် ၁၃ ရက်
အာရေဗျပင်လယ်မှာ ဖြစ်ပေါ်နေသော လေဖိအားနည်းရပ်ဝန်း BIPARJOY သည် အားအလွန့်အလွန်ကောင်းသော မုန်တိုင်းအဆင့်ကိုရောက်ရှိသွားပြီး ယနေ့တွင် အန္ဒိယ-ပါကစ္စတန်နယ်စပ်အနီးမှ ကုန်းတွင်းသို့ တစ်နာရီလျှင် ၈၅ မိုင်ဖြင့်ဝင်ရောက်နိုင်ကြောင်း မိုးဇလမှထုတ်ပြန်ထားသည်။
အဆိုပါ INVEST-92 Aသည် ဇွန်လ ၆ ရက်နေ့က လေဖိအားနည်းရပ်ဝန်းအဆင့်ကိုရောက်ရှိသွားခဲ့ပြီး ဇွန်လ ၁၀ ရက်နေမှာ CAT-3အဆင့်ရောက်ရှိသွားကြောင်း အိန္ဒိယမိုးဇလမှထုတ်ပြန်ခဲ့ကာ ယနေ့ နံနက် ၆ နာရီခွဲတိုင်းတာချက်အရ Very Severe Cyclonic Storm အားအလွန့်အလွန်ကောင်းသည့် မုန်းတိုင်းကြီးဖြစ်လာကြောင်းအတည်ပြုရေးသားထုတ်ပြန်ထားသည်ကိုတွေ့ရသည်။
နောက် ၄၈ နာရီအတွင်းမုန်တိုင်းပြင်းအားအတွင်းစက်ဝန်းအရွယ်အစား အချင်းမိုင် ၂၅၀ ရှိပြီး တစ်နာရီလျှင် ၈၅ မိုင်ဖြင့်ဝင်ရောက်ဖြတ်ကျော်သွားမည်ဖြစ်သည်။
လက်ရှိတွင် တောင်တရုတ်ပင်လယ် နှင့်အခြားပင်လယ်များတွင်လည်း လေဖိအားနည်းရပ်ဝန်းများဖြစ်ပေါ်လျက်ရှိကြောင်းသိရသည်။