AB News – နိုဝင်ဘာ ၁၀၊ ၂၀၂၅
ဖြိုးဝေ
အိန္ဒိယနိုင်ငံ၊ တြိပူရပြည်နယ်တွင် ဘင်္ဂလားဒေ့ချ် နိုင်ငံသား ၃ ဦးအား မူးယစ်ဆေးဝါးများနှင့်အတူ အိန္ဒိယနယ်စပ်လုံခြုံရေးတပ်ဖွဲ့ (BSF) က ဖမ်းဆီးခဲ့ကြောင်း သိရသည်။
ပြီးခဲ့သည့် နိုဝင်ဘာ ၇ ရက်နေ့တွင် မူးယစ်ဆေးဝါးများနှင့်ဖမ်းဆီးခံရသည့် ဘင်္ဂလားဒေ့နိုင်ငံသား ၃ ဦးမှာ အမျိုးသမီး ၁ ဦးနှင့် အမျိုးသား ၂ ဦး ပါဝင်ကြောင်း သိရသည်။
တြိပူရပြည်နယ်၊ တောင်ပိုင်း ဒတ်သျှင်ခရစ်သျှနာပူရ်၊ အိန္ဒိယရွာတွင် ဘင်္ဂလီများနေထိုင်သော နေအိမ်များကို ဝင်ရောက်ရှာဖွေရာ ဆေးခြောက် ၁၆၈ ကီလိုဂရမ်နှင့် ဘင်္ဂလားဒေ့ချ်နိုင်ငံသား ဘင်္ဂလီ ၃ ဦးကို အိန္ဒိယနယ်စပ်လုံခြုံရေးတပ်ဖွဲ့ (BSF) က ဖမ်းဆီးရမိကြောင်း သိရှိရသည်။
အောက်တိုဘာလ ၂၉ ရက်နေ့တွင်လည်း တြိပူရပြည်နယ်၊ ဒါမာနာဂါခရိုင်၊ အနောက်ချန်ဒရာပူရ် ဒေသတွင် တရားမဝင်ခိုးလာသော ဘင်္ဂလားဒေ့ရှ်န်ုင်ငံသား ၃ ဦးကို အိန္ဒိယနယ်စပ်လုံခြုံရေးတပ်မှ ဖမ်းဆီးမိခဲ့သည်။
ထို့ကြောင့် ဘင်္ဂလားဒေ့ရှ်နှင့် နယ်နိမိတ်ချင်းထိစပ်နေသော တြိပူရပြည်နယ်တွင် တရားမဝင် နယ်စပ်လှုပ်ရှားမှုများတိုးလာသောကြောင့် အိန္ဒိယနယ်စပ်လုံခြုံရေးတပ်မှ အထူးစောင့်ကြည့်လျှက်ရှိကြောင်း သိရသည်။