AB News – ဖေဖော်ဝါရီ ၁၊ ၂၀၂၆
စစ်ကော်မရှင်က စစ်အာဏာသိမ်းမှု ၅ နှစ်အတွင်း နိုင်ငံတစ်ဝန်း ပြည်သူများ ဆိုးရွားသည့် အကြပ်အတည်းများနှင့် ရင်ဆိုင်ခဲ့ရကြောင်း မြန်မာအခြေစိုက် UK သံရုံးက ယနေ့ ဖေဖော်ဝါရီလ ၁ ရက်နေ့တွင် ထုတ်ပြန်သည်။
၂၀၂၁ ခုနှစ်၊ ဖေဖော်ဝါရီလ ၁ ရက်နေ့မှ မတရားအာဏာသိမ်းမှုသည် ယနေ့တွင် ၅ နှစ်ပြည့်ခဲ့ပြီ ဖြစ်သည်။
စစ်ကော်မရှင်သည် ဒေါ်အောင်ဆန်းစုကြည် ဦးဆောင်သည့် ဒီမိုကရေစီအစိုးရကို ဖြုတ်ချကာ ပြည်သူ့ဆန္ဒနှင့် နိုင်ငံရေးလွတ်လပ်ခွင့်ကို မျက်ကွယ်ပြုခဲ့ကြောင်း ဆိုသည်။
စစ်အာဏာသိမ်းမှုကြောင့် နိုင်ငံအနှံ့ ကလေးငယ်စုစုပေါင်း တစ်ဝက်ခန့်မှာ ပညာသင်ခွင့်ဆုံးရှုံးနေခဲ့ရပြီး မိန်းကလေးငယ်များနှင့် အမျိုးသမီးများမှာလည်း အကြမ်းဖက်မှုများ ကြုံတွေ့နေရကြောင်း သိရသည်။
စစ်ကော်မရှင်ပြုလုပ်သည့် ရွေးကောက်ပွဲမှာ လွတ်လပ်မှုမရှိသည့်အပြင် တရားမျှတမှုလည်း မရှိကြောင်း ဆိုသည်။
အရပ်သားပြည်သူများကို ကာကွယ်ရန် သက်ဆိုင်ရာအဖွဲ့အစည်းများကို တောင်းဆိုထားပြီး ပြည်သူများနှင့် တစ်သားတည်း ရပ်တည်မည်ဖြစ်ကြောင်း UK သုံရုံးက ပြောသည်။
#စစ်ကော်မရှင် #မတရားအာဏာသိမ်းမှု #ပြည်သူ #၅နှစ်ပြည့်