AB News – ဖေဖော်ဝါရီ ၂၂၊၂၀၂၆
ရက္ခိုင်-ဘင်္ဂလားဒေ့ရှ်နယ်စပ် တက္ကနက်ဖ်( ရက္ခိုင်အခေါ် ကယုချောင်း) မြို့နယ်၌ မလေးရှားသို့ ပို့ဆောင်မည့် လူကုန်ကူးသမား ၅ ဦးနှင့်အတူ လူကုန်ကူးခံရသူ ဘင်္ဂလီ ၅၅ ဦးတို့အား ဘင်္ဂလားဒေ့ရှ်ကမ်းခြေစောင့်တပ်(BGB)မှ ဖမ်းဆီးခဲ့ကြောင်း The Business Standard သတင်းဌာနတွင် ဖော်ပြထားသည်။
ဖေဖော်ဝါရီလ ၂၀ ရက်နေ့က ရက္ခိုင်-ဘင်္ဂလားဒေ့ရှ်ကမ်းခြေ၊ တက္ကနက်ဖ်မြို့နယ်၊ နတ်မြစ်အတွင်း မလေးရှားသို့ ပို့မည့် လူ ၅၅ ဦးနှင့်အတူ လူကုန်ကူးသမား ၅ ဦးပါဝင်သော ဘုတ်တစ်စီးအား ဘင်္ဂလားဒေ့ရှ်ကမ်းခြေစောင့်တပ် BGB မှ ဖမ်းဆီးရမိခဲ့ကြောင်း သိရသည်။
ဖမ်းဆီးရမိခဲ့သည့် မလေးရှားနိုင်ငံသို့ ထွက်ခွာသူ ၅၅ ဦး တို့မှာ ဘင်္ဂလားဒေ့ရှ်နိုင်ငံသားများဖြစ်ကြပြီး အမျိုးသမီး ၃ ဦးနှင့် ကလေးငယ်များလည်း ပါဝင်ကြောင်း သိရသည်။
၂၀၂၅ ခုနှစ်၊ ဒီဇင်ဘာ ၂၆ ရက်နေ့ကလည်း ဘင်္ဂလားဒေ့ရှ်နိုင်ငံ၊ တက္ကနက်ဖ်မြို့နယ်တွင် မလေးရှားသို့ ထွက်ခွာသူ ၁၈ ဦးနှင့် အတူ လူကုန်ကူးသမားတစ်ဦးကို ဘင်္ဂလားဒေ့ရှ်နယ် ခြားစောင့်တပ် (BGB) မှ ဖမ်းဆီးခဲ့သည်။
ဘင်္ဂလားဒေ့ရှ်နိုင်ငံတွင် ယခင်ကလည်း ပင်လယ်ကိုဖြတ်၍ မလေးရှားသို့ လူကုန်ကူးသည့် ဖြစ်စဉ်များ မကြာခဏ ဖြစ်ပွားလေ့ ရှိကြောင်း သိရသည်။
ဘင်္ဂလားဒေ့ရှ်နိုင်ငံ၊ ကော့ဇ်ဘဇားဒေသရှိ မူဆလင်လူကုန်ကူးဂိုဏ်းများသည် ဒေသခံမူဆလင်များနှင့် ဒုက္ခသည်စခန်းများမှ မူဆလင်များအား မလေးရှားသို့ ဝင်ငွေကောင်းမည့် အလုပ်အကိုင်များ ရရှိမည်ဟုဆိုက လိမ်လည်ခေါ်ပြီး လူကုန်ကူးမှုများ ဆက်တိုက်လုပ်ဆောင်လျက်ရှိကြောင်း သိရသည်။