ABN-ရှိုင်းမိုး
ယူကရိန်းနှင့် ရုရှားတို့အကြား ရှားရှား ပါးပါးပူးပေါင်းမှုတခုအဖြစ် အကျဉ်းသားစစ်သည် ၂၀၀ကျော်ကို အပြန် အလှန် လွှတ်ပေးခဲ့ကြကြောင်းနှစ်ဖက်အစိုးရက ဧပြီ ၁၀ ရက်နေ့တွင်ထုတ်ပြန်သည်။
ရုရှားစစ်သား ၁၀၆ ယောက် ယူကရိန်းအကျဉ်းထောင်မှ လွတ်မြောက် လာကြောင်း ရုရှားကာကွယ်ရေဝန်ကြီး ဌာနက ထုတ်ပြန်ထားသည်။
တိုနည်းတူ ယူကရိန်း အကျဉ်းသား ၁၀၀ ကို ရုရှားကလွှတ်ပေးခဲ့ကြောင်းလည်း ယူကရိန်းသမ္မတရုံး အရာရှိချုပ် Andriy Yerma က ပြောကြားသည်။
ပြန်လွတ်လာသည့် ယူကရိန်းစစ်သား ၈၀ နှင့် အမျိုးသမီးစစ်မယ် ၂၀ တို့အထဲတွင် ထက်ဝက်ခန့်သည် ပြင်းပြင်းထန်ထန် ဒဏ်ရာရထားကြောင်းလည်း ၎င်းက ဆို သည်။
အလားတူ ရုရှားကာကွယ်ရေးဌာနကလည်း ယူကရိန်းထောင်မှ ပြန်လွှတ်လာသည့် ရုရှားစစ်သားများကို ပြန်လည် ပြုစုရန် မော်စကိုမြို့သို့ ပို့ဆောင်ထားသည်ဟု ထုတ်ပြန်ထားသည်။