သတင်းမီဒီယာ - ရခိုင် ၊ အာရကန် ၊ အာရက္ခ

Generic selectors
Exact matches only
Search in title
Search in content
Post Type Selectors
မင်းအောင်လှိုင်အား BIMSTEC အစည်းအဝေးသို့ ဖိတ်ခေါ်ခြင်း နှင့်ပတ်သက်၍ ရှင်းလင်းချက်ပေးရန် ထိုင်းလွှတ်တော်အမတ်များ တောင်းဆို

AB News – ဧပြီ ၃ ၊ ၂၀၂၅

ထိုင်းနိုင်ငံ ၊ ဘန်ကောက်မြို့တွင် ကျင်းပမည့် ဘင်္ဂလားပင်လယ်အော် ပူးပေါင်းဆောင်ရွက်ရေးအဖွဲ့ဟု သိကြသည့် BIMSTEC အစည်းအဝေးသို့ မြန်မာနိုင်ငံမှ စစ်ခေါင်းအောင်မင်းအောင်လှိုင် အား ဖိတ်ခေါ်ထားခြင်းနှင့် ပတ်သက်၍ ထိုင်းအစိုးရအဖွဲ့များအနေဖြင့် ရှင်းလင်းချက်ပေးရန် ထိုင်းလွတ်တော်အမတ်များမှ တောင်းဆိုလိုက်ကြသည်။

မင်းအောင်လှိုင်အား အဆိုပါအစည်းအဝေးသို့ တက်ရောက်ရန် ဖိတ်ခေါ်သည့် ကိစ္စနှင့်ပတ်သက်၍ ထိုင်းဝန်ကြီးချုပ် ပေထောင်တန်နာဝပ်ထရာအစိုးရအဖွဲ့များမှ ဖြေရှင်းချက်ပေးရန် ထိုင်းအမတ်များက တောင်းဆိုနေကြကြောင့် ထိုင်းသတင်းဌာနအချို့တွင် ဖော်ပြထားသည်။

ယနေ့ ဧပြီလ ၃ ရက်နေ့တွင် ထိုင်းနိုင်ငံ၊ ဘန်ကောက်မြို့တွင် ကျင်းပမည့် BIMSTECအစည်းအဝေးသို့ မြန်မာအာဏာသိမ်းစစ်ခေါင်းဆောင် မင်းအောင်လှိုင်ကို လက်ရှိ ထိုင်းအစိုးရအဖွဲ့မှ ဖိတ်ခေါ်ထားခြင်းဖြစ် သည်။

စစ်ခေါင်းဆောင် မင်းအောင်လှိုင်သည် ယနေ့ ဧပြီလ ၃ ရက်နေ့ နေ့လယ်ပိုင်းတွင် ဘန်ကောက်မြို့သို့ ရောက်ရှိမည်ဖြစ်သည်ဟု ထိုင်းသတင်းဌာနအချို့တွင် ဖော်ပြထားသည်။

ထိုင်းတရားမျှတရေးပါတီမှ လွတ်တော်အမတ် ကန်နာဝီက ပြည်သူလူထုများနေထိုင်ရာ ကျေးရွာ၊မြို့များကို နေ့စဉ့် ရက်ဆက် လေကြောင်းဖြင့် ဗုံးကြဲတိုက်ခိုက်နေသည့် မြန်မာ စစ်ခေါင်းဆောင် မင်းအောင်လှိုင်အား ထိုင်းအစိုးရမှ ဖိတ်ကြားထားသော ကိစ္စကို ထိုင်းပြည်သူများမှ ရှင်းလင်းချက်ပေးရန် တောင်းဆိုခြင်းဖြစ်ကြောင့် ဆိုထားသည်။

ငလျင်လှုပ်ခတ်ခဲ့သည် မတ်လ ၂၈ ရက်နေ့မှ ၃၁ ရက်နေ့အထိ စစ်ကောင်စီသည် လေကြောင်းတိုက်ခိုက်မှု အကြမ် ၂၀ လုပ်ခဲ့ပြုလုပ်ခဲ့ပြီး အရပ်သားပြည်သူ ၁၂ ဦး သေဆုံးခဲ့သည်ဟု ထိုင်းတရားမျှတရေး ပါတီမှ လွှတ်တော်အမတ် ကန်နာဝီ က ထိုင်းသတင်းဌာနများ အား ပြောကြားထားသည်။

တဖက်မှာ စစ်ခေါင်းဆောင် မင်းအောင်လှိုင်သည် ဧပြီလ ၂ ရက်နေ့မှ ၂၂ ရက်နေ့ အထိ အပစ်ခတ်ရပ်စဲရန် ယမန်နေ့ ဧပြီလ ၂ရက်နေ့က ထုတ်ပြန်ကြေညာထားသော်လည်း ရက္ခိုင်ပြည်၊ ကချင်ပြည်နယ်နှင့် ချင်းပြည်နယ်တို့ကို လေကြောင်းဖြင့် ဗုံးကြဲတိုက်ခိုက်လျက်ရှိသည်ကို တွေ့ရှိရသည်။

ထင်မြင်ယူဆချက်‌‌ပေးရန်

ဆက်စပ်သတင်းများ