မက္ကစီကိုမြောက်ပိုင်း နယ်စပ်မြို့တစ်မြို့ဖြစ်သည့် ဟွာရက်ဇ်မြို့တွင် အကျဥ်းထောင်တစ်ခုကို လက်နက်ကိုင်တိုက်ခိုက်မှုကြောင့် လူအနည်းဆုံး ၁၄ဦး သေဆုံးခဲ့ပြီး မြို့၏တစ်ခြားတစ်နေရာတွင်လည်း လက်နက်ဖြင့် ခုခံမှုကြောင့် ထပ်မံ၍ ၂ ဦး သေဆုံးခဲ့ကြောင်း တနင်္ဂနွေနေ့တွင် မက္ကဆီကန်အာဏာပိုင်များမှ ပြောကြားခဲ့သည်။

အကျဥ်းထောင်တိုက်ခိုက်မှုအတွင်း သေဆုံးသွားသူများမှာ ထောင်ဝန်ထမ်း ၁၀ဦးနှင့် အကျဥ်းထောင်သို့ ခေတ္တရောက်ရှိနေကြသည့် လူ ၄ ဦးဖြစ်ပြီး ၁၃ ယောက် ဒဏ်ရာရကာ အနည်းဆုံး လူ ၂၄ ဦး ထွက်ပြေးလွတ်မြောက်သွားသည်ဟု ချီဟွာဟွာပြည်နယ် တရားလိုရှေ့နေ၏ ထုတ်ပြန်ချက်တစ်ခုတွင် ပါရှိသည်။

သို့ရာတွင် တိုက်ခိုက်မှုကို ဘယ်သူတွေက လုပ်ဆောင်ခဲ့ကြောင်း ရှင်းရှင်းလင်းလင်း မသိရသေးပေ။

တရားလိုရှေ့နေက အစောပိုင်းစုံစမ်းစစ်ဆေးမှုများအတွင်း တိုက်ခိုက်သူများသည် ဒေသစံတော်ချိန် မနက် ၇ နာရီခန့်တွင် အကျဥ်းထောင်သို့ သံချပ်ကာကားများဖြင့် ရောက်ရှိလာကြပြီး သေနတ်များဖြင့် ပစ်ခတ်သည် ကို တွေ့ရှိရကြောင်း ပြောသည်။

တိုက်ခိုက်မှုမခံရမီ မိနစ်အနည်းငယ်က အာဏာပိုင်များသည် မြူနီစီပယ် ရဲတပ်ဖွဲ့ကို တိုက်ခိုက်မှုတစ်ခုရှိခဲ့ကြောင်း အစီရင်ခံခဲ့ကြသည်။

ရဲတပ်ဖွဲ့မှ လိုက်လံရှင်းလင်းပြီးနောက် လူလေးဦး ကိုဖမ်းဆီးကာ ထရပ်ကားတစ်စီးကိုလည်း သိမ်းဆည်းရမိခဲ့သည်။

မြို့၏ တစ်ခြားတစ်နေရာတွင်လည်း ထပ်မံ၍ ယာဥ်မောင်း ၂ ဦး သေဆုံးခဲ့ပြီး အာဏာပိုင်များက လက်နက်ကိုင်ရန်ပြုသည့် လုပ်ရပ်ဟု ခေါင်းစဥ်တပ်သည်။

တရားလိုရှေ့နေ က ဤအမှုသုံးခုသည် တစ်ခုနှင့်တစ်ခု ဆက်စပ်မှုရှိ မရှိ အတည်မပြုနိုင်သေးကြောင်း ပြောသည်။

ပြိုင်ဖက်စီးပွားရေးသမားနှစ်ဦး အကြား ရုန်းရင့်ဆန်ခတ်ဖြစ်ကာ အရပ်သားအများစုပါဝင်သည့် လူ ၁၁ဦးသေဆုံးခဲ့သော ဖြစ်ရပ်တစ်ခု အကျဥ်းထောင်တစ်ခုတွင်ဖြစ်ပျက်ခဲ့ပြီးနောက် သြဂုတ်လအတွင်း ရာနှင့်ချီသော မက္ကဆီကန်စစ်သားများကို ဟွာရက်ဇ်မြို့သို့ ပို့ဆောင်ခဲ့သည်။

Ref-Reuters သတင်းပါ At least 14 dead in armed attack on prison in Mexican border city Juarez